مطارده شعريه بالدارمي .........

[مريم جبران عودة]

كل الجرى والصار من حبّك انته

نادر يا نور العين هم تيجي يمته؟

[سلام الدراجي]

هاك الزم الدلال شوفه شيدك دك
لا دوه يطيب الاه بس لمسه ايدك

[مريم جبران عودة]

كان الأمل معقود ونادر يجينا اليوم

راح الصباح وحلّ مسا ولاطلّ نجوم

[سلام الدراجي]

مو بس اذكرك دوم كل لحظه وياي
ومن اسمع بنادر تضحكلي دنياي

[بنت البصرة الفيحاء]

يا خوية شنهو الصار وشنهي القضيه
ليش من ارد عليك مترد عليه

[سلام الدراجي]

هاك افتهم شيريد دلالي منك
كعدني نص الليل يحجيلي عنك

[بنت البصرة الفيحاء]

كالولي روح ابعيد وانسى التوده
كلت البعد شيفيد مو روحي عنده

[سلام الدراجي]

هلكد حلا حط بيك سبحانه رحمان
من ورد جنه عدن سواك انسان