مطارده شعريه بالدارمي .........

[محتاره]

هدني التعب يفلان
والهم أكلني
من غيبتك لليوم
محد فگدني
==============

[مريم جبران عودة]

يامعذب الأرواح ومكثّر آهاتي

ترى بعدك من هو يمسحها دمعاتي

[ابو علي الصكر]

يا دهر بس بالليل خل عيني اتنام

ومن الصبح للضيم اتحزم احزام
\\\\\\\\\\\\\\\\\\\\\\\\\\

[محتاره]

مل مني حته الليل
والگمر شاهد
بس بيك افكر دوم
للفجر گاعد
==============

[مريم جبران عودة]

مدري انا يا ناس ابكي لو اضحك

نذرت إلك أيام خلّيني يمّك

[محتاره]

كون المحبة اصير
مثل السياسة
حته اليخون ابساع
ينگطع راسه
==============

[سلام الدراجي]

هم انه خايف يوم ينكطع راسي
بيد الصكر ياناس لن كلبه قاسي

[محتاره]

يهتز يريد ايطيح
گلبي اعله فرگاك
لايرضه جرحي ايطيب
لايرضه ينساك
==============