مطاردة شعرية (بالابوذية )

سلام عليكم على الجميع وللاخ بروكن كل الهلا عزيزي احب اوضح الك ابوذياتك جميله جدا ولكن انت تعتبر الحرف

الاخير هو المطلوب لا ياغالي الحرف يكون باول الابوذية يعني عندما تطلب الاخت اميرة حرف الغين نكول اله
غيرك لا تظن بالعين ......حالي
اوريجي عليك مر ما يوم...حالي
بغرامي يالتسل عن شرح ...حالي
اعله كل حال الهوه جتال اليه

ارجو اكون قد وصلت الفكرة الك ياغالي وشكرا للمشاركة مع تحياتي

ولا يهمك يا فاتن الغالية مع اني كنت افضل الحرف الأخير لأن المطاردة ستكون اصعب ولكن يجرالك


غريبة اليوم حبك ... صار الي شان
وصرت بعدك مناره ... وصار الي شان
جانت ليش وحده ... صار ليشين
احبك ليش؟ ... ليش تمن عليه؟

حياك هسه تمام
والك حرف الزاء

زعلت وغير شخصك مرضاني

هجرك حيل خايب مرضاني
ترد صدري وتكلي مرضاني

ولاجنك سحكت انته عليه

وتحياتي الك ياغالي

حرف الهاء

الله مبدعة يا فاتن

هاي سنين صارن ... ونته ناسي
وانته سنين عمري ... ونته ناسي
جان الكلب عكبك ... ونته ناسي
هسه شذكرك يالغالي بيه؟

تحياتي الك يا ورده وغصن مكسور ... ان شاء الله مجبور الكسر

حرف الراء

ممنونه منك وحرف الراء يكول

ردت بلكونه من عندك ولك حس
وجبينك لو عرك بيه ولك حس
ظربتك للعظم وصلت ولك حس
اموت تريد اموتن هاي هيه

حرف الشين

وسلامتكم

شحس والنار تجوي .... من نمسها
شحس والروح ماتت ... من امسها
شحس تطلب حبيبي ... مني مسها؟
وانته الشاغل التفكير بيه؟

تعيشين يافاتن

حرف القاف

مساء الليل الهادي على احباب قلبي

حرف القاف

قلبي احترك من هجرك ولع شاب
وانة المتولع بحبك ولع شاب
دوة الدكتور ماينفع والاعشاب
اطيب بطبت اقدامك علية

حرف الدال

وسلامتكم

[ابو نرجس الحلي]

دنيا وكلها لعب يالغالي وملذات
وبس حبك شغل بالي وملذات
تتحدى دوم الهوى روحي وملذات
ومو مثلك تحب مثل الحراميــــــه

سلامـــــــــــــــــــي (ت)