مطاردة شعرية (بالابوذية )

[الشاعر يوسف الذهاب]

اجيك محزم بروحي وجيلك
وعزك حيل تدريني وجلك
اذا جيلي غرب وكته وجيلك
شمس شعت تضوي بها ثنيه
مع تحياتي اخت فاتن

[امنيات ضائعة]

عيونى ما تشوف الدرب دونك
وتظل روحى تترقب كل خطوه لجدومك
ويوكف نبض كلبى من دونك
لانك نبض بالروح وانت عز اليه
حرف الالف

هلا ومرحبا بالطلوا علينا ولبوا ندانه من نادينه نرحب احلى ترحيب بالشاعر يوسف الذهاب ولمشاركته الرائعة ونرحب بالاخت امنيات ضائعة ويارب تحققين امنياتج وماتضيعيها واجاوب بحرف الف ونكول

العشك منه استراحينه وهدنه
واخذنه من الدمع راحة وهدنه
ياحلو الطول فك ياخه وهدنه
عجزنه من الهوى وناره سريه

وسلامتكم

حرف الباء

[سلام الدراجي]

الحمد لله لكيت ابوذيه مولفه

بحرف الباء

عندي

بدوي ساكن حبيبي برشلونة

حلو وخدوده شكره برشلونة

على المدريدي فايز برشلونة

برشاوي وتضل مرفوعة أديه

سلام الدراجي

هلا وغلا يالبرشاوي نسيت تكتب الحرف المطلوب ونكلك برشا برشا يامدلل

وبما ان الدكتور لم يكتب الحرف ونكتب ونكول

درج حسنك وكعني وهواني
اصيح غركت بحبك هوه وني
ولهان بعشكك وحبك هو اني
وضوكني سهر كل مسية

وسلامتكم ياحبايب قلبي

مع حرف العين

[شاطئ السلام]

السلام عليكم حبايبي والك ياغاليه حرف العين
عيوني من الدمع لجن وغارن
وعلي حيل الهجر هدن وغارن
اموتن من تحب غيري وغارن
اريدك بس تحبني وهاي هيه
حرف الغين للي بعدي

كتلني القهر من فركاج والهام
وصرت غصبن اطخ الراس والهام
انتي الكل قصيدة فكر والهام
وانتي جروح دلالي الندية

هاذ حرف الميم اذا ممكن حرف اللام يا فاتن

عذرا للاخت فاتن اجيت للموضع من اوله
وللاخت اميرة الروح ... حرف الغين

زغير انته ولساتك منته بالغ
وبعد لجبال حبي منته بالغ
تريد احنه انتبالغ ؟ منتبالغ
من تكبر نحل هاي القضية

حرف الزاي للي بعدي