مطاردة شعرية (بالابوذية )

[الشاعر يوسف الذهاب]

الزمن ويه الاحبهم مشكلانــــي
وصرت عثره بدربهم مشكلاني
اخاف امشي بـطريق امشكلاني
اكــع والناس تتغامــز عـليـــــه
تقبلو مشاركتي

[الشاعر يوسف الذهاب]

تقبلو اخوتي هذه المشاركــــــه
على وكتي جنت واعي وصاحي
ونـبــه دوم بــالغافـي وصــاحـي
أخويـــه الكسَر اجناحي وصاحي
نكرني ومزك ارقــام الـهـويـــــه

هلا وكل الهلا بيك نورت الموضوع ونتمنى التواصل معنا وكل عام وانت بالف خير وعيدك مبارك وشكرا
لروعة الابوذية والمشاركة

[الشاعر محمد الحميداوي]

السلام عليكم وكل عام وانتم بالف خير وادعو الله ان يعيده عليكم بالصحه والسلامه
طبعا ممخلين حرف بس اني راح اختار حرف لان اني الحلو مال المنتدى وبكيفي هههههههههههههه
انه احتاريت وضعك حيراني
ميت واليعاين حي يراني
خوخ وتين خدك حيه راني
وترافة شفتك نعناع هيه

تقبلو حبي وتقديري

تريد الناس اسولف واني كلي هموم
خانكني الدمع ما اكدر احجي ...
أذا حتى الدمع من شافني بهل حاال
لبس اسود عليه وكاااااام يبجي ..


حرف الباااااااء

تحيااااتي واتمنى المشاركه من الجميع

تريد الناس اسولف واني كلي هموم
خانكني الدمع ما اكدر احجي ...
أذا حتى الدمع من شافني بهل حاال
لبس اسود عليه وكاااااام يبجي


هلا وكل الهلا بيج اختي اريانا وشكرا للمشاركة ولكن للاسف لاتعتبر ابوذية

ولايوجد اي تقارب معها ونلبي طلبك بحرف الباء ونكول تدلل الحلوة اريانا علينا

بطل حيلي اعلةخلي اليوم.. من شال
اشيل الجدم من الكاع.. منـــــــــــشال
اثاري الجدم من فـــــــركاه.. من شال
بجيت وضاكت الــــــــوسعة علـيــــة

وسلامتكم

حرف النون

[ابو نرجس الحلي]

نبتلك سهم بالدلال...... وانجر
وصرت غصبن اميلن ليك .وانجر
ظل اسحك بكلبي حيل. وانجر
عسى ساعة وتحن يسمر عليه

تحياتي وسلامي(حرف الفاء)

هلا وكل الهلا بعودتك ياابو نرجس بيننا في المطاردة ونكول بحرف الفاء
فرهد ابروحي يصاحب وداعك
وحگ اعيونك ورسمك وداعك
وحگ جلماتك الحلوه وداعك
انتلف ثلثين والباقي باذيه

حرف السين

وسلامتكم