مطاردة شعرية (بالابوذية )

اخي العزيز سلام 00تحياتي لك
عيوني فتون000000
تحياتي وحبي00000الك
حبايبي عائلة المطارده
00000000000000سلمكم الله ورمضان مبارك


قسمت الروح الي نص والك نص
وكتبت الشعر من اجلك ولك نص
كل مرتفع ساويتـــــــه والك نص
الوفه منك وانه الباقي عليـــــــــه
00000000000000000
الله يحفظكم حبايبي

هلا وغلا بسلام الدراجي ابوذية روعة

وممنونه من ابو الليث على الرد الجميل

لكن كالعادة لم يضع الحرف المطلوب

لذلك راح اكتب ردي واكول

قلبك بس يكفيّني وحسبك
قلبي بين كفينك ويحس بك
يروح الروح ،يعيوني وأحسبك
نبضات الحياة الـسرن بيه

حرف الميم

وسلامتكم

[سلام الدراجي]

شكرا اخي ابو الليث الورده

شكرا اختي فاتن بارك الله بك

تحياتي لكل الاعضاء

وهذا حرف الميم

مو انس ألخدمتك مارد أنه

وكلام أسمعت منك مارد أنه

تكلي ارجع احبك مارد أنه

حبيتك عمر وغدرت بيه

سلام الدراجي

ت

هلا هلا يادكتور وجوابي الك

تِسَلني عن حِزِن بية وهـم لي ؟!
ولهمومچ تقل طنشي و همـلي ؟!
يمن حبك شَهَدْ لِـي لا وهـم لي
أنـا في خير من تلِـقِـي الـتحية

ص

مع كل الحب للجميع

[سلام الدراجي]

الاخت فاتن السلام عليكم

وهذا الصاد

صحتله اوكف أريد وياك ماتن

ترك بيه ورحل أجروح ماتن

ارجوا لا يظن البيه ماتن

بقن أشواكي اله حد المنية

سلام الدراجي

د

اهلا بيكم اخواني وحبايبي
رمضان مبارك على الجميع
000000000000000

وهذا حرف
--د--

دله دلوي ودله من ماي صافي
حبي الك مابيه دغش صافــــي
اذا عندك مشاكل كبل صافــــي
اريدك ذهب صافي ابين اديـــــه
0000000000
اريدك ذهب صافي كلاده بالجيد
عدل وياي اذا بالمزح والجيـــــد
ميهمني ابوك منين والجــــــــــد
يهمني انته حبيبي وتوفي اليـــه
0000000000000000
يهمني انته حبيبي ونور عيني
ترد كلمن حجه بالشين عنــــي
كلتلك كلشي ماضميت عنــــي
وانته اهديتلي روحك هديـــــــه
000000000000000-
انته اهديتلي روحك وجسمـــك
خالص صافي النيه وجس ماك
اخذ روحي واخذ عمري وجاسمك

حتى بنور عيني الباقي اليـــــــــه

خبرنـي اعله گلبــــك .. من جنابي
ويحبك غيــري آنــــه .. من جنابي
إذا تقصيــر حاصــــل .. من جنابي
أجيب الروح الك بثنين أديه

وسوي اشما تريـد وياي .. واحكام
وضيقلي الخناق ابعمـد .. واحكام
أجيب الحبس والمامـور .. واحكام
وصير القاضي وترئس عليه

وأنا اشكيلك اجروحي اشلون .. فرعن
وگلبي اللــي ابغيابك علــــيَّ .. فرعن
واذا حكمــــك ويــاي ابحكــم .. فرعون
عصت موسى آنه ابين اديه

وأبطل بالعصـــى سحرك .. وكيداك
وآخـــذ حگي أنا بيدي .. وكيداك
جـــوه وتشلع ابگلبـي .. وكيداك
دجر ايدك ، شنو ماتحس بيه !؟؟

لو واهــــس خـــــذاك وردت .. گلبي
دخــــذه الصبر مـــــن ازمان .. گلبي
يدنيا السهم بيــــدچ صــــــار .. گلبي
ومثل شيبوب صيري انتي قويه

وحيل اترادفـي الطعنه .. وطعني
لأن طيري اللــي طيرته .. وطعني
گلبي الما أخذ شــــــــوري .. وطعني
هم امسايره واجب عليه ؟؟


لو أمشي ابهوى راســي .. وعقلاي
وأجازي ابرده الربيته .. وعقلاي
يروحي اشبيچ وچ هيدي .. وعقلاي
اشو سيفچ گبلهم هد عليه

ووصل بسيوف هجـره .. واصلتني
واصيح النار واصـرخ .. واصلتني
طحت وادري المنيــــه .. واصلتني
بس ابلا وعي مديت اديه

وصافحت التعلــــــم .. من هوانه
ذل وعاش ذلــــــــه .. من هوانه
انا امــدد ويســــأل .. منهو آنه
وگبل يومين چنه احنه سويه !!

وسلامتكم يالغاليين عليه

حرف الكاف

مساء الخير احباب قلبي مابقى الا ايام قليله على نهاية الشهر الفضيل

وانشاء الله يتممه على الجميع بالخير والتوفيق وانشاء الله اجركم بصيام

الشهر واصل باذن الله تعالى وكل عام وانتم بالف خير

ومني الكم هاي الابوذيات لحبابي الي شاركوني بالمطاردة واكول الهم

نبيل وطبعك توافي وعيدك
واحسبك من اعز ناسي وعيدك
عيد الفرح على الوادم وعيدك
سرور وفرح ويامك زهيه

يهل ناديت بسمي هواي عيده
وياماخذ دليلي وياك عيده
الكلب مو بس بعد رمضان عيده
عندي العيد من نكعد سويه