السيد نوري المالكي علينه....ملينه

[الحــر]

حياج الله خوية ام علاوي الورده الغالية
اولاً عزيزتي كوني على ثقة ما كان قصدي الاستهزاء برايك فيه لما قلت اضحكني هذا القول من قبلك
لكن الكلمه شوية استوقفتني وتبادر لذهني بعض الامور فبتسمت لها وطرحتها بوضوح

لكن ياخوية لا تشتبهين بقصدي..
فكلامي هنا ليس دفاع او مدح ابداً عنهم بقدر ما هو تعبير عن امور حصرتها اجمالاً لاهميتها تاييداً ودعماً لمحور فكرة رفظنا له لتوليه لولاية ثانية ..!
فالقاصي والداني في بغداد يشهد بفضلهم ياخيتي فلولاهم لكنتي تحليمين بالعيش الى الان في بغداد في سنوات الفتنه التي اججوها الوهابية والنواصب والتي مسكوها وحفظوها بارواحهم التي ارخصوها هؤلاء البرره بعد ان كانت لا حكومه وقتها ..!
فلا يوجد داعي لان امتدحهم انا او غيري
والحمد لله على كل حال

بعيدن الا يدعو كلامك للاستفهام عزيزتي فهل اذلانا وهتك اعراضنا بالامر المستهان الى هذه الدرجة ..!!
فهل قمع ابناء الشعب بريئهم ومذنبهم يجبرنا على السكوت ما دام الاخرين بخير ..!!
فهل اصبحنا نعيش في العصور البرجوازية والنبلاء ونحن ولد الخايبة لازم نتحمل التصكع والتشريد والاعتقال ..!!

ليش نحجي حجي ممتأكدين من مصداقيته

ولا يهمك ام علاوي خوية جيبي الي الدليل على كذب ادعائي هذا وسوف ارضخ معك بلا نقاش


واما ياخوية يا ام علاوي تكولين ننطيه فرصة وخلي نصبر وخلي شما يسوي خل يسوي لان الخير جاي ..!
فليش ما سوينه هذا ويه هدام في زمانه وهو الرجال شنو سوى قابل
هم ضرب ناس مخربين وقمع انتفاضة لمهرجين ومتعافين
وسجن معارضين لحكومته والسلطه العلية والقانون ....!
وجان هسه احنة ولا شايفين اميركان ولا شايفين الضيم والضلايم التي صارت الان..!!؟؟

لكن ياخوية السالفة مع احترامي لك مو هيج وداعتك
المسئله اكبر مما تتصورين
فهذا تاريخ وزمن فيه الكثير من العبر والشواهد
فرفض الباطل واهله مما نقرة في مذهبنا وعدم مهادنة الحاكم الظالم من مبادئنا

بعدين خوية ام علاوي اشو اخذتينا حاصل فاصل تردون وتردون....
وكانما انتي مدري وين عايشة كولي بالمنطقة الخضراء عايشة وما ندري هههههههههههه
حاشاج ترى ما اقصد بيها الا المزاح فقط

بس اني وياج صحيح لابد نعطي فرصة وثنين وثلاثة ومليون بس لازم اكو بالمقابل تقدير احترام اكو شغل واقعي مو بس حجي وتهنبل ورجل حديدي وكل شي ماكو لا سنة ولا سنيتين ولا اربع
وكلامي خوية ام علاوي لو ترجعين اله وتشوفينه هو خير دليل على وقوفنا وتشرفنا مع الحكومه من اجل عراقنا الغالي وشعبنا الي نعتز بيه ونفتخر ...

وعلى عيني وراسي رايج وكل كلامج ام علاوي خوية الورده
وانتي هم اتحمليني وعليج العباس لا تشيلين عليه ولا تبدلين نظرتج عليه
ترى انتي عزيزة وغالية عندي الله يشهد

اخوتي واحترامي

الحـر ,,,

[ام علاوي]

حياج الله خوية ام علاوي الورده الغالية

اولاً عزيزتي كوني على ثقة ما كان قصدي الاستهزاء برايك فيه لما قلت اضحكني هذا القول من قبلك
لكن الكلمه شوية استوقفتني وتبادر لذهني بعض الامور فبتسمت لها وطرحتها بوضوح
صراحة اني منغثيت لان الكلمه ضحكتك سيدنا الطيب
بس استغربت هجومك لااكثر

لكن ياخوية لا تشتبهين بقصدي..
فكلامي هنا ليس دفاع او مدح ابداً عنهم بقدر ما هو تعبير عن امور حصرتها اجمالاً لاهميتها تاييداً ودعماً لمحور فكرة رفظنا له لتوليه لولاية ثانية ..!
ليش متريدون يتولى ولايه ثانيه يعني علاوي اذا استلم الحكم مو هم تنحسبله ولايه ثانيه؟؟


فالقاصي والداني في بغداد يشهد بفضلهم ياخيتي فلولاهم لكنتي تحليمين بالعيش الى الان في بغداد في سنوات الفتنه التي اججوها الوهابية والنواصب والتي مسكوها وحفظوها بارواحهم التي ارخصوها هؤلاء البرره بعد ان كانت لا حكومه وقتها ..!
فلا يوجد داعي لان امتدحهم انا او غيري
والحمد لله على كل حال

زين اذا الكل يشهد بفضل الحكومه الحاليه في استبداد الامن نوعا ما وليس كليا الا نحتسبه تقدما ؟؟

بعيدن الا يدعو كلامك للاستفهام عزيزتي فهل اذلانا وهتك اعراضنا بالامر المستهان الى هذه الدرجة ..!!
فهل قمع ابناء الشعب بريئهم ومذنبهم يجبرنا على السكوت ما دام الاخرين بخير ..!!
فهل اصبحنا نعيش في العصور البرجوازية والنبلاء ونحن ولد الخايبة لازم نتحمل التصكع والتشريد والاعتقال ..!!
يااخي منو كال ان اذلال وهتك اعراض الناس هو امر مستهان
بالعكس لكن هناك نقطه اود توضيحها
انت بقولك ان حكومة المالكي قامت بأذلال وهتك اعراض الناس
هل معنى هذا ان المالكي هو نسخه من صدام ؟؟؟
زين اذا كان نسخه من صدام ليش بالبدايه كلها انتخبته ؟؟
وليش هسه تآلفو وياه ؟؟
اني هذا الشي الي معجبني ياخويه
زين مو اكو مثل قائم ومعروف يكول حرامي لتصير من السلطان لتخاف؟؟؟؟؟
يعني حتى لو فرضنا ان حكومة المالكي اذلت وقمعت وهتكت اعراض سين من البشر
يعني معقولة سوت هذا الشي ويه ناس تمشي بصف الحايط؟؟؟
وحتى وان فرضنا ان هؤولاء البشر كانومن المعارضين للحكومه
يعني لو جانو يطلعون مضاهرات سلميه وبدون اي عنف
معقوله الحكومه راح تعاقبهم بهالطريقه؟؟؟
يااخي اني وحده من الناس شفت جماعه يدعون انهم من جيش الامام المهدي
مع احترامي لكم كانو مستهترين الى ابعد الحدود عذرا لهذا التلفظ لكن لم اجد مايناسبهم اكثر منه
يعني وصلت بهم الامور الى السير في الشارع وضرب الماره وامام عيني بحجة انهم يطبقون الامر بالمعروف والنهي عن المنكر
واي منكر ينهون عنه
خليها سكته ياخويه

ولا يهمك ام علاوي خوية جيبي الي الدليل على كذب ادعائي هذا وسوف ارضخ معك بلا نقاش

عزيزي انا لا اقول بأنك كاذب لان ماكو دخان من غير نار
واكيد ادعائك كان مبني على اساس
لكن من يقول بأن اساسك كان صحيح

واما ياخوية يا ام علاوي تكولين ننطيه فرصة وخلي نصبر وخلي شما يسوي خل يسوي لان الخير جاي ..!
فليش ما سوينه هذا ويه هدام في زمانه وهو الرجال شنو سوى قابل
هم ضرب ناس مخربين وقمع انتفاضة لمهرجين ومتعافين
وسجن معارضين لحكومته والسلطه العلية والقانون ....!
وجان هسه احنة ولا شايفين اميركان ولا شايفين الضيم والضلايم التي صارت الان..!!؟؟

وليش ماسويتو هذا ويه هدام على كولتك منو جان لازمكم ؟؟؟
يعني معقوله المالكي هو نسخه من صدام ؟؟؟
ليش ؟؟

لكن ياخوية السالفة مع احترامي لك مو هيج وداعتك
المسئله اكبر مما تتصورين
فهذا تاريخ وزمن فيه الكثير من العبر والشواهد
فرفض الباطل واهله مما نقرة في مذهبنا وعدم مهادنة الحاكم الظالم من مبادئنا
اني وياك انه شعب العراق مغضوب عليهم وهم في صراع ابدي مع الظلم
لكن مو بهالاسلوب تنحل الامور سيدنا الغالي
ترى عمر العضلات متجيب نتيجه
والتأني من الرحمن
واكو مثل يكول شين التعرفه احسن من زين ومتعرفه
وبعدين رح اجي وياك
فرضا كولنا اتكاتفنا ولو هذا من سابع المستحيلات مااعرف ليش
بس المهم فرضا تكاتفنا وطلبنا تغيير المالكي
منو رح يحل مكانه ؟؟
علاوي مووووو؟؟
زين علاوي احنه جربناه
شنو سوه ؟؟؟
انطيني شي واحد سواه والمالكي عجز عن القيام بمثله

بعدين خوية ام علاوي اشو اخذتينا حاصل فاصل تردون وتردون....
وكانما انتي مدري وين عايشة كولي بالمنطقة الخضراء عايشة وما ندري هههههههههههه
حاشاج ترى ما اقصد بيها الا المزاح فقط

ياخويه اني عايشه وياكم ودااعاني معاناتكم
بس هم ارجع واكول ترى الرجال وحده وداير مدايره وحوش تريد بس تلزم الزله عليه
اذا منين ميدير وجهه يلكه البيبان مسدده
متكلي شيسوي اي غير احنه نساعده ؟؟

بس اني وياج صحيح لابد نعطي فرصة وثنين وثلاثة ومليون بس لازم اكو بالمقابل تقدير احترام اكو شغل واقعي مو بس حجي وتهنبل ورجل حديدي وكل شي ماكو لا سنة ولا سنيتين ولا اربع
وكلامي خوية ام علاوي لو ترجعين اله وتشوفينه هو خير دليل على وقوفنا وتشرفنا مع الحكومه من اجل عراقنا الغالي وشعبنا الي نعتز بيه ونفتخر ...
ياخويه احنه ليش نريد كلشي بسرعه
ليش احنه عباس المستعجل؟؟
انت نفسك تكول انتو وقفتو وتشرفتو مع الحكومه اي اصبروا
هو الانتخابات مصارلها حتى شهرين من صارت
ادري تريدوها بيوم ويومين تنحل؟؟؟
مصايره ياسيد
هذا بلد شكبره وشكده ومتعدد الاديان والقوميات والمذاهب
يعني يصير بشهر لو بشهرين نرتب كل اموره؟؟؟

وعلى عيني وراسي رايج وكل كلامج ام علاوي خوية الورده
وانتي هم اتحمليني وعليج العباس لا تشيلين عليه ولا تبدلين نظرتج عليه
ترى انتي عزيزة وغالية عندي الله يشهد

اخوتي واحترامي

الحـر ,,,

خويه اني ماازعل من احد ابد هذا رأيك علة عيني وراسي ومن اتناقش وياك وادوس بالحجي ترى من باب الميانه
والله الشاهد انت اخ عزيز وغالي وعمري مرح اشيل لاعليك ولا على اي بشر لان اني مو طبعي اشيل واحقد عالبشر
بالعكس اني يعجبني الي يتناقش ويوضح وجهة نظره
الف شكر لسعة صدرك ياخويه
تحياتي لك واتمنالكم الموفقيه
وبلكي عالانتخابات الجايه انت ترشح واني اول وحده ماانتخبك ههههههههههههه

[رنا العراقية]

السلام عليكم اهل الفرات

يا الله اصاير هنا من مجلس مداولة بامور الشعب وامور الحكومة


قصيدة صادقة من شاعر عراقي اصيل

وكل حرف بي هوةينطق بصدق وينقل حال المواطن العراقي

الي وقف ضد هذه القصيدة
اسالة كم سؤال

شنو ذنب الي راحو بالتفجيرات وشنو ذنب الي ماتو وخاسو بالسجون

هاي نقطة في بحر

وبس اريد اسال سؤال

الي ميكدر على تحمل المسؤولية ليش يبقة

ليش مينطي فرصة الغيرة يمكن يكدر ايصفي ويعدل من وضع العراق

بس هاي انانية كلمن ايفكر بروحة وبنفسة وميهمة الناس الي ميتة قهر

وتحياتي للشاعر وتحياتي الاهل الفرات

رنا العراقيه..
لكي مني الف تحيه اشكر صدقكي وطيب رأيكي
وشرف لمتصفحي ان يسجل فيه اسمكم
اتمنى لكي الخير والسلامه

الاخت ام علاوي..الاخ الحر
الاخ الحر..الاخت ام علاوي
سرني والله ان متصفحي اصبح بيتا يسع قلوبكم الطاهره
وها انتم يا اخوتي انتصرتم على الشيطان وقلتم له نحن عراقيين قلب واحد..وفقكم الله
ووعد مني يا أخت ام علاوي اذا تمددت الولايه الى المالكي..(بعد سنتين راح اكتب...سبع اسنين تنهب والشعب جوعان)هههههههههههههه
اريد ان اشارككم الضحكه
وفقكم الله واتمنى لكم الخير والسلامه

زهير العقابي...لك الف تحيه
رغم الردود القاسيه كان صدرك رحب
اهنيك من كل قلبي وصبرك كان رائع
اتمنى لك التوفيق ومن ابداع الى مثله

[الغروب]

الاخ العقابي المحترم.انا قبلت اعتذارك واشكرك وبدوري ايضا اطلب منك العذر ان كنت اسئت الظن..وتقبل من اطيب التحايا...
واود من خلالك ان اقول للاخ الحر الذي يسألني عن الازدواجيه في كلامي :
يأخي الحر:لقد رأيت تعليقك الان فقط واحب ان اوضح لك ان الشاعر حين نشر قصيدته اصبحت عرضه للنقد سلبا كان ام ايجابا وصار من حق اي شخص قرأتها وابداء الرأي..اما الاسم او اللقب فهو من خصوصيات الانسان ولان الشاعر يدرك معنى حذف ال التعريف اعتذر بكل ذوق لانها قضيه لغويه تغير المعنى ..وانا اعذرك عنها لاني رأيت حجم الاخطاء الاملائيه التي وقعت في ردك ففهمت انك لم تدرك الفرق..

[الحــر]

حياج الله ام علاوي ,,,
وجزاج الله خير على هذه الصراحة والقسوه في حقنا
فمن فضل الله ان ما يخفيه القلب تظهره خلجات اللسان ...!

فيؤسفني جداً ما شاهدت من كلام واجحاف المني كثيراً منك عزيزتي لاخوتك في الوطن والخلقية ...
ان لم يكونوا اخوتك في الدين والمذهب خيتي ام علاوي ..

فأن كنا جميعاً في نظركم سيئين الى هذه الدرجة ونستحق ما يفعل بنا لاننا كما هو ضربك للمثال
(( حرامي لا تصير من سلطان لا تخاف ))
يعني كل الي تاذى واعتقل وقتل وهجر وسبي بريء ومسي شايب اوطفل عجوز او صبية ....
كلهم حرامية واستحقوا ما يفعلونه ....

واتحدى من يقولون ان اي احد كان صدري مقلد للسيد الشهيد الصدر ويتبع للسيد مقتدى الصدر او حتى محب فقط لال الصدر....
لم يتاذى ويرعب ويصيبه ما اصابه من افعال رئيس الوزراء الهوجاء......

فرحم الله واليدك والله يغفر الك ولجميع الذين يشاركونك الرائي ...

فاذا انتم تنظرون لنا بهذا النظره وهذا التشويه ...
فهل تريدن او تتوقيعين منا بعد ذلك ان نؤمن لكم ولصاحبكم الدكتاتوري ..!؟

فهل اخطأت حينما استشهدت بقول امير المؤمنين "ع"
((المؤمن لا يُلدغ من جُحر مرتين))

ولكن سؤالي هو::
متى تعون وتعلمون ان السياسيين الماكرين كانوا وما زالوا يستغفلوكم بهذه الافكار المتخبطة والتي تعيشونها مع اخوتكم وشعبكم فقست بها قلوبكم واصبحوا يستميلونكم كيف ومتى ما يشاؤون..!!؟؟

فبالامس القريب أنفسهم الذين يطبلون اليوم للمالكي كنوا انفسهم يطبلون ويزمجرون لعلاوي .....!!
ولسنا نحن من نريده لاننا لا نشتريه بفلسين وانتم تعلمون جيداً بذلك فلمذا تلسقونه بنا ياترى وتخلطون الموازين عجباً ..!
فهؤلاء أهم انجاز لهم هو ضرب الخط الصدري .....

وهذا ما يرضي الرغبات لدى اتباعهم ولكن المعادلة تغيرت اليوم بين رغبات اتباعهم فهم يستملكون اتباعهم حسب الشهرة والمال وخطف الابصار بفخفختهم وشدة ظربتهم ومعسول كلامهم ...

ولكن ما يثير العجب بصراحة
هو ان يصبح علاوي اليوم غير مرغوب به يعني بالهجة العراقية كخة هههههههه ..!؟

فسبحان مغير الاحوال من حال الى حال ذل بعد عز وعز بعد ذل

ارجع واستشهد في البيت الذي قالة الاخ والشاعر الفاضل زهير العقابي ::

على دين الملوك الناس .. اشما تعبد تقلدها


واتمنى ان تتقبلي كلامي برحابت صدر خيتي ام علاوي ,,,
والله يوفق شعبنا لما يحب ويرضى

مع كل تقديري واحترامي

الحـر ,,,