مطارده شعريه بالدارمي .........

[مريم جبران عودة]

هم تدريني يمته أنساها الحكاية

لمّن يرفع بيريز للحقيقة راية

[سلام الدراجي]

همج يماري اليوم وي همي ردته
كل الهموم اتهون بس همك انته

[مريم جبران عودة]

همج يماري اليوم وي همي ردته

كل الهموم اتهون بس همك انته

هلال الحزن يمّي يمته يخلّيني
يمتة يبان الزين ريته يدلّيني

[سلام الدراجي]

يماري هو الزين بس عارف احبابه
ومن انه ادك الباب ما يفتح ابوابه

[مريم جبران عودة]

هلّت دموع العين ألف هلّة وهلّة

عادة ينسى الاحباب يادراجي كلّه

[سلام الدراجي]

هم قهر هم احزان هم كثره اجروح
لا احزن اعله الجاه وميهمني اليروح

[مريم جبران عودة]

هم قهر هم احزان هم كثره اجروح

لا احزن اعل الجاه وميهمني اليروح

حْبَيْبي ماكدر انساه وشكثر اغلّيه

رغم كلّ الجرى ابد ماني بناسيه

[سلام الدراجي]

هاماري هذا البيت ذكرج بيهم
كلبج انصاب بجرح كله منديهم