مطارده شعريه بالدارمي .........

[مريم جبران عودة]

كَلبي شكثر لوعات يحمل واذية

أحسبها هم حسبات إتدك عليّه

[سلام الدراجي]

ها خويه وين الوفه موكتلي عندك دوم
بعد ما الحمل ما وكع ترمي علي باللوم

[مريم جبران عودة]

مانته لنلومه لا ولا انته لنعاتب

تراني هم مشغول ارجوك لا تْحاسب

[سلام الدراجي]

بير اظلم ومربوط ذبني زماني
ارد انشد الطيبين شمسوي اني

[مريم جبران عودة]

يا خوي ابد منكم ما تظهر الشينة

اهل الكرم والجود يا ريت تعذرونة

[سلام الدراجي]

هيج الله وصه الجار هو ونبيه
ترمي عليه احجار شنها الاذيه

[مريم جبران عودة]

هسة ماني بفاهم شنهو الحكاية

يا خوي علمني وشهي هالدعاية

[سلام الدراجي]

هاماري لا ادوخين ماكو دعايه
ضايچ انه بهالبيت ومحد ويايه