المليون دارمي .. تنفرد فيها منتديات الفرات

[همسة ولاء]

كلبي وتركني وراح بشرني ما جاك
فر مني صار اسبوع كالو تعناك

[همسة ولاء]

كون الگلب تركيب اتشلعه وتنام ...
تغفالك اسبوعين من ضيم الايام

[الكناري يونس الجبوري]

ابچي واهل دموع محبوبي قاسي
خلاني بآخر لوج جوه الكراسي

[الكناري يونس الجبوري]

ردتك اليه حزام وبظهري تنشد
تگويني لو انضام ولو ردت ابرد

[همسة ولاء]

مو بيدي أريد هواي وأدري الصبر مر .....
......ودمعة حزن لهواي بخدودي تظهر

[الكناري يونس الجبوري]

ماظنتي هالمحبوب ينفع حچي وياه
شلون افهمه شلون مگدر بلياه

[الكناري يونس الجبوري]

مگدر بلا الاثنين شم الهوا وماي
وشينفعن من دون من ساكن حشاي

[همسة ولاء]

شلونك يا ماي العين وشلون امورك
. كل ليلة والعباس بالطيف ازورك