مليشيات المهدي تمنع اقامة حفلات الحنه ( الاعراس ) في الجنوب ؟؟

[احمد علي]

والله اخويه اني الي اعرفه ببغداد ماصار الي تتكلم بي بعد هاي يمكم بالعزيزيه الله اعلم

[احمد علي]

ابصف بيت عمي ببغداد مقر للحزب الشيوعي وبجوارة مقر للتيار الصدري لافديوم حركو مقر هذول ولا ابد بالعكس واحد يسلم على الثاني مع العلم الحزب الشيوعي ضمن قائمه اياد علاوي وانت تعرف الصدريين اشكد يكرهون علاوي

[ابو عراق]

الاخ foraten.net/?foraten.net/?foraten.net/?foraten.net/? علي .. في بغداد نشاط مليشيات المهدي محدود ويتركز سطوتها في مدينة الثوره والشعله
اكثر شي .. لان الاجرائات اتجاها قويه اما في مدن الجنوب لاسف الشديد معظم الاجهزه الامنيه مخترقه
من قبل هذه المليشيات ...
اما التكذيب هذا اسلوب رخيص لان الكل يعرف فضائح هذه المليشيات الي دمرت العراق ومجتمع العراق
المتاخي ...
ادعوك للزيارة اي مدينة في محافظة واسط ابتدائا من الصويره وانتهائها بالحي وساكون بستقبالك
واقوم بضيافتك وسوف اخذك للناس المتضرريين من هذه المليشيات مع تحياتي ..

[الحــر]

اخي شنو نسوي ....!!!!

اولا ::اذا اعراضنة نعتز بيها وما نحب نبيعة برخيص وما نحب نفرط به نتيجة فرحة يمكن نعبر عنها بشيء اخر وبطرق اشرف..


الثاني :: احنة ناس نعترف باسلامنة وعزنة وشرفنة الي بفضلة تشرفنة ... فنحن غير ناكرين للجميل لهذا العز والشرف الي اكتسبناه منه ...

الثالث:: احنة ابناء الرسول محمد وعلي وفاطمة والحسن والحسين وابناء الحسين الائمة الاطهار وانصار مهديهم الموعود ...
وبطبيعة الحال نحن تعلمنا من هؤلاء اصالة ديننا ولا نحب ان نراه بغير صورته الاصيلة المشرقة والمشرفة

فما راح افصل شنو المواقف المشرقة في اصلة ديننا لان لو تحب يا اخي روح راجع لان انا اعذرك يمكن ما منتبه شنو تقول وما معنى كلامك...


فعنوانك هو يمنعون ((( حفلات ))) الحنة والاعراس ....!!!!!!!!!!؟؟؟؟؟؟


فالحمد لله اذا اتتك مذمتا من ..... فعلم انكَ كاملٌ


فانا لا اكلمك انت انا اوجه كلامي لكل المسلمين عامة والشيعة خاصة...


يعني الي يعترفون بدستورهم ونظامهم الحقيقي


الي غيرتهم ما ترضى ان يشوفون اعراضهم او يستعرضون بيهم في الاعراس ويدكون ويركصون....


وارجوا ان تفهم انا اكلم نفسي ومن يعترف بالقانون الي اسير به انا وهم طبعا


انت انا مالي شغل بك


انت ... حر ... ورايك يخصك ويخص من يفكر اسلامة مثلك


وكل واحد وحسب تفكيرة ...


انما الي يخرج عن الاطار الرائيس ...


لاهنا يحتفظ به لنفسة فقط ... وما يحاول يحشر اراء الاخرين معة



وانا اقول يمكن انت ماخذ و سامع بالحديث المروي عن ما ادري منو بالضبط عن الرسول وحاشا للرسول الاكرم(ص) من هذا التهمة المخلة به وباصلالة نبوتة وشرفة وغيرته

انه كان ياتي بعائشة على متنه لترى احتفال يجري كل عامل في مكة لكي ترى الطبول والدف ورقص الزنوج....!!!؟؟؟

فما اعرف هذا بعد



ولا تحرك اعصابك يا اخي صدك ما تسوى ترى لان الجماهة برايك((( ... )))


فانته دير بالك على صحتك اهم شيء صدك لا يصير بيك سكر او جلطة ترى هاليام صايرة بالفجئه الجلطة

الله يحفظك ويرعاك


وصدك ما اجاملك ادعولك من كل قلبي ان الله يوفقنة ونكون حقاً عراقيين احرار بمعنى الكلمة


ونعترف باننا اخوة اذا ما جمعنة الدم والحم فيجمعنة حب العراق وارضة



واحنة الي سقينة ترابة من دمائنا ورخصناها لاجلة


فما اتصور طلبنة الاجر بالمقابل من احد او انتم تجون وتعطونة الاجر وتبررون اهدافنة ونوايانا


وتصادرون حبنة باهوائكم واستنتاجاتكم






ورحم الله من سار بطريق الاحرار



اخوكم ومحبكم


... الحــر ...

[ابو عراق]

الاسلام .. او اسلامكم يفرض بالقوه هو هذا الدين ..
التهديد والقنابل الصوتيه اللي تقذف على العالم الامنه ليلا .. هو هذا الدين ؟
سيطرة الجهله تحت ذريعة الدين هو هذا الدين ؟
تمنعون واحد كاعد يشرب هو هذا الدين ؟
اعمال اجراميه مختلفه هذا الدين ؟؟
خوش دين الله كريم وداعتك وصدك ماتبقه مليشيا وحده ولا عنصر واحد ويصيرون كلهم دجاج ؟

[الحــر]

هههههههههههههههههههه

كلامك فرحني وخلاني افخر اكثر واعرف شنو قدرك

بس الله يوفقك يارب

تمنعون واحد كاعد يشرب ...؟؟؟

الي في بيته يشرب ماكو احد يحاجية او يقول له على عينك حاجب واتحداك يكون غير هالكلام...

بس الي يجهر بيه بالشارع ... اذا انته ما تعرف شنو قانون شعبنة ودستور قرآنة...

مو قانون دولتك هذي ..

هو ان حق الشارع لا بد ان يحترم ويلتزم به ما دام دين الشعب هو دين الاسلام

لو انته تريدون تدمجون الوهابية معنا في تصوركم

يعني احنة جبرنة احد الا يلبس مثل ما نريد لو وحدة جبرناها تلبس بوشية وما تطلع من البيت

لو غير وغير ...

كل واحد حر بالي يريد يتصرف به

لكن بحدود الي يمليه مو ضميرة بس لابل لابد يحترم الاخرين لان هو مو وحدة فيه ويريد يلعب على راحته كيف ما يريد...!!!

لان كلنا مسلمين ودستورنا واضح اذا تحب تراجعة براحتك واذا ما تحب

احب اقول لك مجتمعك يرفظك تكون بينه لان اذا انته مو منتمي له فمن الاحترام له تلتزم باخلاقة وعاداتة

لو انته تشوف غير كلامي هذا يخصك انته شخصياً

والاجرام الي تشوفة في نظرك فهذا لان انته متعود وماخذ الدنية لعب بكيفك وعلى هواك

والان شفت انك مو وحدك وانكسرة شوكتك فخليت الشاشة تعبر عن وحدتك

يا اخي حاول تنزل الشارع باخلاقك وسمعتك الطيبة ومحد يقولك شنو انته

بس اذا انته الان دجاجة والله يساعدك كف على بيضاتك لين ما يطلعاً

فغير اسود ويبقون اسود وحب وطنهم وشعبهم يمنعهم ان يقابلون ما يجري عليهم وما يجور

وامر قائدنة المفتى مقتدى الصدر (الله يحفظة ويرعاه ) ملتزمين به

وهذا كل الفخر بيه لنا مو مثل غيرنا تايهين ما نعرف كيف تخدم شعبنة ونحترم ارضة

ولك مني اطيب الدعوات

اخوك في الوطن

... الحـــر ...

الغناء محرم والامر بالمعروف والنهي عن المنكر من ظروريات الدين ونص رب العالمين في القران الكريم
وان الكثير من الاعراس هي عبارة عن حفلات راقصة وخليعة واستهانة بالدين والمذهب واستهتار وايذاء لاهل المنطقة واذا كانت الشرطة نفسهم هم من ينشر الفساد في الارض ويؤيد تلك الاعمال المشينة فاين يلتجئ المواطن
اليوم اصبح جيش المهدي ارهابي
لولا هو ما جلس الحكام في العراق على مقاعدهم في زمن لاحكومة ولاجيش
نحن مع الاسف ننسى بسرعة السنة في الوسط هم ضد القاعدة ولكنهم لايتحدثو عنهم ولايفضحوهم بالانترنيت مع العلم ان جيش المهدي هم الشيعة الحقة حبيبي وطريق محمد الصدر هو اقرب الطرق الى الله
والامام المهدي
الرجاء الرجاء عدم المساس بهذا الجيش العقائدي
انكم علمانيون واتباع الطرب والغناء
والله حسيب وهو الحاكم بيننا وبينكم

[الحــر]

وين راح ... ابو عراق

شنو اشو طاف على موضوعة غير الي يحط موضوع يتابعه

لو شافة اشوي بانت سريرته الباطنية للعيان ... مع الاسف..!!

اكو بيكم يغررون بس ما يعرفون من انتم

الله يوفقكم ويرعاكم ويشملكم بهدايته