وعني

حبيبــي ارجوك حاجيني شمالك
تهـــت مابين جنوبك من شـمالك

صرت انتة الهوى واشتــم شمالك
واذكـــرك مــن تـــهب ريــحك عليك

[سجاد الرحال]

حبيبي دوم اذكرك ماسليتك
تحبني لوتضـــدني ماسليتك
تمنيتــك يغـــالي ماسه ليتك
وصوغك محبس وترهم عليه

بقلمي

الله عليك يارحال وعلى ردك العذب

ياشاغلنة فرد مرة نشغلك
ودليلي من ابعدت صدك نشغ لك
صدك لو ترد لينة نشغلك
تربي كلوبنة بطبع الوفية

[سجاد الرحال]

حبـــــك ياتـــــرف كلــــش شغلنه
وجرح وسط الكَلب يدي شاغ النه
عمــــــال ابنســــل شعـــرك شغلنه
والاجره نضرتك تكفي هيه

بقلمي

حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه

[سجاد الرحال]

سهم حبك رمه روحي وشب جلاي
نصبت لافاد الك شركـي وشبجلاي
جِنسَك خربط احوالــي وشبجلاي
كَلبــي وعقلـي وك ارحــم اشويــه



بقلمي

الكلب صار الك سلوة ويضلك
ويا ويله اليبعدك عني ويضلك
اغار عليك من تمشي ويضلك
واغار عليك من روحي عليه

[سجاد الرحال]

شهد طعمك وبدماضكَت مربيك
وانته من الزغـربالروح مربيك
لون نمـــام حـاول يــوم مربيك
كَله احباب لاتكَرب عليه

بقلمي