اهلا بكم في المحاوره الشعريه بالابوذيات

[عادل المنصوري]

سلي برفع ياروحي وظهراي
وكَمت ما وجد بليلي وظهراي
اسهام البحشه ثبتن وظهراي
انكسر من شحو اخواني عليه
للشاعر المرحوم نافع المنصوري

[عاطف المنصوري]

ابوذية غاية في الروعة
لك اجمل التحايا

[asir]

الدهر موبس الک حارب وعاده
طبع بهل الشیم یغدر وعاده
دخلی ابفکرتک نظره وعاده
ودشوف احسین ضل ابلا تچیه

[عاشق الظلام]

كم قمر في الكون ؟ اثنين واحد في السماء وواحد قاعد بنص الــعين.

[عادل المنصوري]

تجاي الحسين انكَطع يسراه
واخذ ابن الدعيه الحرم يسراه
لا شامت ولا للمحب يسراه
حال آل النبي البالغاضريه

الرايه بعد جفك ياكفلها

ومنو يكفي الشدايد يا كفلها ( كفو الها )

شلون انسبت زينب يا كفلها

وانته حديت ضعن اهل الحميه

[جله نار]

اعجبني جدا ماخطت بيه اقلامك
دمتم بخير وعافيه

[عادل المنصوري]

يحادي بضعن زينب عاين الها
عبيد الشمر حارس عاين الها
يزيد الأجه كَبله عاين الها (عجنها وهيئها)
القضيه من السقيفه وأجت ليه