(*)" قلبــي عــراااقـي "(*)
السلام عليكم ورحمة الله وبركاته
طبتم وطاب مجلسكم احبتي
شجعـني تقـديـركم ان اشـدو بحب العـراق
فعسـى أن تنـال أبيـاتي اعجـابكم وتقييـمكم
قلبي عراقي
جـاي بتـالي وكتـك تسـأل آنه منـين
آنـه الشّلت راسـي بـوجـه عـدواني
آنـه الشمـريّـة المـاتهـاب المــوت
أنـه بنت الـوطن والـوطـن ربّــاني
علّمـني أبـوي من الـزّغـر ع الطيـب
وسمّـاني الكحيلـة الصـاينـة لســاني
أنـه المـاتمر حلـكي حجـاية التنعـاب
ومن ينسطـر خَـدّي أرفـع الثــاني
مـو لن آنـه حُـرمـة لو ضَعيفة حـال
لجَـنّـه والـدي من أصـلـه غـذّاني
جـاي بتـالي وكتـك تـزرع الأحقـاد
وتطـش السمـوم بـوسـط بستـاني
ليش انسيت وين اكضيت عمـرك ذاك ؟؟
مـو انتـه الـرُبيـت بخـير ديـواني ؟؟
مـو إنتـه الجنـت تختـار مني ثيـاب
ولـو ضامـك الضيـم ويـاك تلكـاني ؟؟
مـو انتـه الجنـت بيـدك تديـر الـدار
وأنـه خُطّـار عنـدك فـوك كيعـاني ؟؟
وآنـه حـزام ظهـرك جنـت من تغـير
ومن أحظـر أفـراحـك أكتـم أحـزاني
وتـدريني على الـذلّـة أبـد مـانـام
ولا أرضـى بهظيمـة نـاسـي واقـراني
وتـدريني بت خـير ومـابخَـلت بيـوم
وجنت كل السلـف أحسبهـم اخـواني
ليـش اليـوم جـاي تسمّـم الأفكـار
وتتمتّـع بـذبحـي وذبـح جـيراني ؟؟
وتهـدر دم اخـوك السـنّي لجـل المـال
وتهجّـر الشيـعـي وتنكـر أديـاني
وتفجّـر بيـوت الله بصـلافة عـين
وتتجـاهـل عقـاب وغضب ربّـاني
إبشـر بالعـذاب وونـار وسط النـار
وخصمـك كل يتيـم وكل مَـرة تعـاني
بـقلـم : رفيـقــة الـقمــر
إهـ….…ـداء : الى وطـنـي
رد مع اقتباس