المليون دارمي .. تنفرد فيها منتديات الفرات

[الكناري يونس الجبوري]

فك گلبي شوف شبيه دمل ولا لاب
بس انته يالمحبوب تقراني كتاب

[شوك الشفايف]

الله لي الفخر ان تعجب بحروفي ايها الجبوري الكبير..

كل حرف مني ايروح ويقبل ايدك..لنك ملك لحروف كلهن عبيدك..

يا روعة ..يا (أخوي)

[الكناري يونس الجبوري]

روحك حمامه تصير وترفرف بشوگ
وتخلي روحه تنوح يا حلوة الطوگ

[مريم جبران عودة]

الاخ والشاعر المبدع يونس الجبوري


شكرا لهذا الابداع والتميز


~~~~


(تدري شوكت انساك ياغلى واعز ناسي

لمّن ضمير يصير عند السياسي)


~~~~~~~~


تقديري لكم

[الكناري يونس الجبوري]

مدري السياسي شجاه بدل علينا
ومن ينضنك تلگاه مكثر حنينه

[الكناري يونس الجبوري]

الگلب تالي الليل يحچي وي النجوم
ويتصور انه قيس من ليلى محروم



هههههه
شلونه هذا الدارمي
بالباكيت انتاجي
الدنيا العصر يمعودين

[أنثى شرقية]

عاشت اناملك

روعة

يرخص بياض العين لأجلك ياغالي
وانت بغلات الروح واغلة الغوالي

[أنثى شرقية]

طبع البشر الوان مثل الملابس
بالوجه لون تشوف وبالكفه شلابس