مطارده شعريه بالدارمي .........

[مريم جبران عودة]

روحي راحت وياه ذيك المسية

خلاّني وحدي وراح وية المنيّة

[سلام الدراجي]

همت انه ردت احچي وتراجعت ليش
ماردت حرب اتصير ويترادم الجيش

[مريم جبران عودة]

شايلها حسرة ليش علّمني يا دكتور

تره حرب ما تصير كلي عليك النور

[سلام الدراجي]

شايلها حسرة ليش علّمني دكتور
حربا تريد وياي بس انه مستور

ردت انه اشكرك حيل يااعز ناسي
اسمي انذكر بالخير يم الكراسي

[مريم جبران عودة]

ياهل الأصل والجود يالباين كرمكم

تصبحون بالف خير هالساع اكلكم

[سلام الدراجي]

ماري انت سهري وياي ولا تودعيني
سهران انه هاليوم بدارمي ارحميني

[مريم جبران عودة]

يا ريتك يا دكتور ارتحت وحكيت

كنت انه للصبح بالدارمي بقيت

[سلام الدراجي]

تدري انت غالي اهواي وما اكدر احجي
مختنگ بالعبرات بس احجي ابجي