موضوع بس الحزينين يدخلوله

[الفتاة المرحة]

امين يا رب العالمين ان شاء الله يعم السلام والامان بعراقنا الحبيب ونرجع اخوة متعاضدين ومتكاتفين ضد اي عدوان وترجعون للوطن سالمين غانمين محفوضين من كل سوء يا الله ويلم شمل العراقيين بالخير والامان
مشكورة توتة علموضوع الرائع
وان شاء الله تحقيق الاماني

[وليد المهندس]

اخوتي اخواتي هناك حقيقه يجب الايمان بها وهي ان العراق وشعبه سوف يرجع الى سابق عهده لا... بل وافضل انشاء الله ونحن العراقيون قد تعودنا على هذه الشدائد وانشاء الله سوف تزول الى الابد مثلما زالت التي قبلها وسيرجع انشاء الله كل عراقي الى وطنه سالما غانما انشاء الله
شكرا لك على الموضوع

الى طائر الظلام زدنى باحلى الاشعار الي تزيل الحزن

هلو شونكم انشاء الله كلكم ترجعون للعراق

[@/رفيع التهذيب/@]

قضية حب عراقية ( رشاشة ووردة)
للشاعر المبدع ميثاق الهلالي

عاشوا فد شارع جيران أطفال اثنين
چان أسم الطفله السنيه (ورود
واسم الطفل الشيعي (حسين

يرسمون البسمه عله الشارع
يلعبون لحد آخر غيمه
ومن تمطر چان يغطيهه ومنهم گام يغار الشارع


.....شموع بدم الشمس أشتعلوا من يگدر چان يطفيهم
ماكو عيون التحسد چانت
چانت عين الوطن عليهم
......
وكبرت ورده.... وكبر حسين

وگامت تخجل من عيونه
وماتگدر بعيونه تباوع لو مر من يم باب البيت
وچان يجيبلهه ويا ورده
....ومايلگاهه بسد الباب ويزرع گلبه اباب البيت
.............

وافتر زمن الموت الاسود بالوادم والحب أنداس
ناس تهرب دم وغيره
وناس تطفي عيون الديره
وناس تفرق بين الناس

وشالوا اهل حسين بليل
وظلت ورده تعد جروح

وينزف راس الشارع صبح
وادم غربه ورشاشات وموت ودم
....جنازه ترد وجنازه تروح

وكسروا باب البيت وطبوا
لبدت ورده بسد الباب

وعاشت لحظة خوف وحيره
.....أبين الرشاشات العفنه وبين الورده البيد حسين
.....ونشغت وأتنخت بحسين

وسمع الريح وصوت جروحه تگله ورود
وهد حسين بطرگ هدومه
.....وشگ هدوم الليل السود

وجاب ويا ورده من جروحه
ووصل باخر نبرة صوت
ونزلت اخر گطرة دم من السچینه
....الشافت بيهه ورود الموت
وسمع الموت يحاچي الوادم
چانت اشرف لحظة موت
وماتت بحسين شچم ورده
وردت بعيونه الايام
الناس الشارع ضحكة ورده وگلبه الينزف يم الباب
وهسه دموع وموت ودم وشمع بنار الشارع ذاب
وشدوا علم عله التابوت
وچلب بزياگ التابوت
وحط الورده
وسددهه القنّاص بظهره
......وطلعت روحه عله التابوت

وشيعهم بجنازه الشارع

وچان الموت يحاچي الوادم
......چانت اشرف لحظة موت

وچان الموت يحاچي الوادم

فلتحيا الورده السنيه
وفليحيا الفلاح الشيعي

وفلتحيا الوحده الوطنيه
فلتحيا الوحده الوطنيه

بل يحيا العراق
تحياتي لكم ارجو ان تنال اعجابكم
قصيدة للعراق كما طلبت الاخت توتة

دمتم بود
رفيع التهذيب

اتخبل القصيده وعاشت يدك يا رفيع التهذيب وشكرا على مرورك الجميل

توته اني احيي روحكي الجميله الشاعريه في كتابة المواضيع الجميله وشكررررررررررررررررا

[صمت المشاعر]

ياربي
الله يفرج عنكم ولله