موضوع بس الحزينين يدخلوله

هلو شونكم انشاء الله كلكم ترجعون للعراق

[@/رفيع التهذيب/@]

قضية حب عراقية ( رشاشة ووردة)
للشاعر المبدع ميثاق الهلالي

عاشوا فد شارع جيران أطفال اثنين
چان أسم الطفله السنيه (ورود
واسم الطفل الشيعي (حسين

يرسمون البسمه عله الشارع
يلعبون لحد آخر غيمه
ومن تمطر چان يغطيهه ومنهم گام يغار الشارع


.....شموع بدم الشمس أشتعلوا من يگدر چان يطفيهم
ماكو عيون التحسد چانت
چانت عين الوطن عليهم
......
وكبرت ورده.... وكبر حسين

وگامت تخجل من عيونه
وماتگدر بعيونه تباوع لو مر من يم باب البيت
وچان يجيبلهه ويا ورده
....ومايلگاهه بسد الباب ويزرع گلبه اباب البيت
.............

وافتر زمن الموت الاسود بالوادم والحب أنداس
ناس تهرب دم وغيره
وناس تطفي عيون الديره
وناس تفرق بين الناس

وشالوا اهل حسين بليل
وظلت ورده تعد جروح

وينزف راس الشارع صبح
وادم غربه ورشاشات وموت ودم
....جنازه ترد وجنازه تروح

وكسروا باب البيت وطبوا
لبدت ورده بسد الباب

وعاشت لحظة خوف وحيره
.....أبين الرشاشات العفنه وبين الورده البيد حسين
.....ونشغت وأتنخت بحسين

وسمع الريح وصوت جروحه تگله ورود
وهد حسين بطرگ هدومه
.....وشگ هدوم الليل السود

وجاب ويا ورده من جروحه
ووصل باخر نبرة صوت
ونزلت اخر گطرة دم من السچینه
....الشافت بيهه ورود الموت
وسمع الموت يحاچي الوادم
چانت اشرف لحظة موت
وماتت بحسين شچم ورده
وردت بعيونه الايام
الناس الشارع ضحكة ورده وگلبه الينزف يم الباب
وهسه دموع وموت ودم وشمع بنار الشارع ذاب
وشدوا علم عله التابوت
وچلب بزياگ التابوت
وحط الورده
وسددهه القنّاص بظهره
......وطلعت روحه عله التابوت

وشيعهم بجنازه الشارع

وچان الموت يحاچي الوادم
......چانت اشرف لحظة موت

وچان الموت يحاچي الوادم

فلتحيا الورده السنيه
وفليحيا الفلاح الشيعي

وفلتحيا الوحده الوطنيه
فلتحيا الوحده الوطنيه

بل يحيا العراق
تحياتي لكم ارجو ان تنال اعجابكم
قصيدة للعراق كما طلبت الاخت توتة

دمتم بود
رفيع التهذيب

اتخبل القصيده وعاشت يدك يا رفيع التهذيب وشكرا على مرورك الجميل

توته اني احيي روحكي الجميله الشاعريه في كتابة المواضيع الجميله وشكررررررررررررررررا

الك حن الكلب يااسمر والك مال
وذاب الكلب من هجرك والك مال
لاني ناجح بحبك ولا اكمال
ولا راسب واكولن حيل بيه


ربك حط مرض بيك وشافاك
وعيد من انطر عيونك وشافاك
تدري من اللمس خدودك وشافاك
مناعه من الامراض تصير بيه

يلي تلبس مره اسود مره حني
مره بس ارحمينه ومره حني
نذر اذا اشوفج البابج احني
واذا ابوسج احني جفوف اديه


جنيت هموم حبك منت جاني
ويمر طيفك عليه منت جاني
صرت كاتب ومخرج ومنتج اني
اعد فلام ضيم المر عليه

السلام الئ كل الغتربين من ارض العراق انااتالم من اجلكم ولكن اذا رجعتم يوما في الوقت الحاضر سوف تندمون لان العراق اصبح بلد الدمار والقتل والنفجارات صدقوني اني هسه لو احصل ملخه اوشرده اولجوء الئ اي دوله حتئ لوللصومانو سلامي لكي ياتوته البغداديه

عراقية والنعم منههوسمـــــــــــــــــهه

شالت هم الـــــــــــــــوطن فوگ همهه
بنات البلد لؤلؤوعقد مرجــــــــــــــان
احتار القلم شيكتــــــــــــــــــــبلي عنهه

بت البصرة
بت البــــــــــــــــــصرة حرة والف حرة
اصالتهه من النــــــــخل كحيلة السمرة
ما تعرف زعل والـــــــــــروحخـــضرة
الچ مني السلام وارقى التحية

بت بغداد
بت بغدادمحتــــــــــــــــــــــار بأمرها
انيقة والدلع مرافگ عمــــــــــــــرها
ضيگ حيل مسودني خــــــــــــــصرها
هي المشكلة وحل القضية

بت النجف
بت النجف رزنة وطــــــــــــنونهيبة
نور وجنـــــــــــــــــــاتهه التايه يجيبة
موسوعة علم ما تدفعضــــــــــريبة
تربات المراجــع والمرجعية

بت العمارة
شسولفلكعلــــــــــــــــى بت العمارة
العاشرهن يبخته طالـــــــــــت عمارة
الوفى دربة عليـــــهن والله ومسارة
كبرياء الهور وصفات الطير بيهه



بت كربلاء
بت كربلا رقة وحــــــــــــــــــــــــــلاوة
ابتسامتهه خفيفةومشيــــــتهه بهداوة
لاتعرف جفة لا تــــــــــــــــعرف قساوة
وفى تربةالگاع معجونة بيهه



بت ذي قار
بت ذي قار لا تنــــــــــــــــشدني عليهه
احتار الفكر منهه وعليــــــــــــــــــــهه
كل صفـات الحســـــــن مجموعةبيهه
تلميذة مضايف والكرم بيهه

بت الحلة
بت الحـــــــــــــــــلة طيبة وطيب زايد
الوجنات الوردة والـــــــحواجب گلايد
نصبن الكل گلب بصري مصـــــــــايد
خد مربى وخد گيمر السدة

بت الموصل
بت الموصــــــــــــــل مزيونة وشگرة
بشوفتهه منكل مرض تـــــــــــــــبرة
قطعة من الفرح ضــــحكة ومـــــسرة
اربعتهنربيع فصولهه هي

بت السماوة
هايم انه ابتالسمــــــــــــــــــــــــــاوة
هي الغلا وهيالغــــــــــــــــــــــــلاوة
خفيفة دم ومعجونة بشقــــــــــــــــاوة
شاخصة مثل نخلاتهه هي

بت تكريت
اسألتگالو الحـــــــــــــليوة من تكريت
بنات مدسترة ومنـــــــــــــــورات البيت
الوجنة ضوة والـــــــــــــــخدين جكليت
بنات العز والمرجلة

هية

بت الشمال
بت الشمالمــــــــــــــــــــجرش جسمهه
مثل الجـــــــــــــــــــــــبل ثابت كلحسنهه
دهوك وسليمانية واربيل يالتسئلني عنهه
تتكاسر بحلاوتهه وية الناصرية

بت ديالى
بت ديالىالاصــــــــــــل هي والاصالة
برتقالة بالشــــــــــــــكل وبالعگل فالة
همك صـــــــــــــــــبرهن اتكفل وشالة
بيهه اروع صفة واروع سجية



بنتالانبار
بنت الانبار استاذة بالكرم وتحسن الملگة
شعب طبي وعلاجكيمهــــــــــــــــه تلگة
تجر الروح وتــــــــــــــملي الگلب حرگة
يعونةالنزل عدهم وشرب مي منديهه

[صمت المشاعر]

ياربي
الله يفرج عنكم ولله

يااخي ياطائر الظلام شكرا على مرورك والله اني مااتندم اذا رحت للعراق بس المهم ابقه ببلدي ووطني شعدنه بالغربه والله الغربه متنجرع حتى لو اتحمل الدمار ولا اتحمل الغربه وشكرا على مرورك الرائع