اجتني رسوم حالـﭻ وانه نص الليل
فزيت بقصيده وردت احــــــــددهن
نعم قلمي كتب بس نزل دمعي ويــاه
لان مهما كتب ماكَــــــدر يوصفهـن
يبت عز ودلال وخدر ترس الثوب
شلون الذل اديـــــج بحقد شددهـن
مسبيه يبت حيدر علي الكـــــرار
والهزل عـــــــدوﭺ هــو كَايدهن
شكتب ياقصيده وتطي حق الصار
بنات المصطفى والشمر يشتمهن
توج نيران بيه لصور ذاك الحــال
لومــالت ظعونـــﭻ ياهـــو يعدلهـن
والكافل ظعونـﭻ عل نهر مطروح
ماعنـده اديـن وخـاطـــــر يكظهن
والنوب الخرابه التهد كل الحيل
وطفال وحريم ينوحن اسمعهن
والاعظم مصيبه ا لطبه يم يزيد
وكَدامـﭻ اشفاف حسين يظربهن
وبكـل الـوقاحـه يشتـــــم العباس
كلمـاتـه خناجـر بيـﭻ نبـتهـن
ويسب بعلي ويشتم اهل البيت
حتى ﮔـلوبـﭼـن بالقهـر يحركَهـــن
اجتني رسوم حالـﭻ وانه نص الليل
فزيت بقصيده وردت احــــــــددهن
بقلمي الشيخ ابوحيدر الشويلي
رد مع اقتباس