شتاء ملتهب!!

افتحي قارورة عطري ...
واقراي يا جل سطري ...
فانا حرف غريب
تائه في الحب عمري
ومسافات احتضاري ...
وارتعاشاتي وصبري ...
وزوايا الظل تحكي
عن ضياع في
يسري ...
انه القداح يحكي
عن ندى ماعاد
يدري
كيف جاء الصبح يوما
لك يعدو فوق صدري
كيف امواج اعترافي
وقفت كي تشكو سري ...
فانا موجة عشق ...
والليالي صرن بحري...
وانا لحن اشتياق ...
جاءك يشكوك امري ...


لك التحية على ما كتبت ...

[جله نار]

شكرا على المرور

[عادل المنصوري]

للشاعر المرحوم سامي شياع المنصوري
انه الشكَيت ثوبي بيوم الفراكَـ
وانه صار اللقب شكاك الزياكَـ
وصرت شبه الذي تعاده اويه الهدوم
وشبه سمجه وتعيش بماي ركراكَـ
واجيتك وآنه ما اكَوى على الكوم
بلا عكازتي وانكز فرد ساكَـ
وآنه البالفراك الحيل مهدوم
وانه احلفلك ترى للكبر سباكَـ
كل يوم انلجم وجروحي دم دوم
سهم فركاك من حشاي مراكَـ
انه الغطتني لوراديي لهموم
وابشرج ماي دهري شلون خناكَـ
يدنولي الاكل يا اكل زقوم
قسم حتى الملح للساني ما ضاكَـ
حنضل بالسحور امسك عليه دوم
والمغرب افك ريجي بسماكَـ
اظل انطر واتاني واحسب انجوم
واتلكه سهم مصباح الفراكَـ
تجيب الناس موز وتاكل لحوم
وانه لهلي اجيب اهمومي مسواكَـ
غيري مشرغد ونايم شبع نوم
وانه حتى النعاس بسرعه ينباكَـ
اهبط والج باسمك وانه مالوم
وعلى الهامه يجيني شلون مرشاكَـ
واظل شبه الغريج انتك ولا اعوم
بوسط روج الجدي وما نايش الراكَـ
تعت بيه واعتها بعزم وبزوم
انه ودنياي لعب الصكله واللاكَـ
تمر بطاك كسرى اتشوفه مهدوم
على ظهري تراهو اتهدم الطاكَـ
لجني وداعتك خل يكثر اللوم
وخل تردف علي طكاتي الحاكَـ
وخل تنغك علي غربان والحوم
انه ذاك انه للصعبات عشاكَـ
تدري اشكد نطيت وموش مندوم
لجن من عادتي ما اصير دناكَـ
وادري بهل الزمان الفكر مذموم
لجن الحمد لله موش سراكَـ
جثير الجمع مال وعرضه بالسوم
ولو جاع الشريف الفخر ما باكَـ
صحيح آنه بجفه الخلان مهظوم
وصحيح افراكم للكلب حراكَـ
ما تدري الكلب نصين مجسوم
رجيت اتفرهه مو تعصر على الضاكَـ
رجيت اتفرهه مو تعصر على الضاكَـ

[عادل المنصوري]

المصايب هبشن كَلبي بياون
ويدولاب الوكت داير بياون
الخنسه بيش غلبتني بياون
وبيا حسره اهي زادت عليه
للشاعر المرحوم سامي شياع المنصوري

[جله نار]

شكرا على روعه الكتابات

والاشعار الجميله