(*)" الفجـ ـر العــاشـ ـق "(*) بقلمـ ـي

" الفجـ ــ ـر العــاشـ ـ ـق"

تطلب مني أكتب
وآنه كلي هموم
شريد اكتب
وشرد أوصف حلاة البيك ؟؟
أكولن من ذهب ربك خلق هالطول ؟؟
لو من عسل جانت امك تغذيك ؟؟
صاير كحل
ماتستغني عنك عين
ومصيبة ناظري
مايكتحل بس بيك ..
أشيلك بين رمشي
وجوّه عيني تنام
وبجفني لمن تغفى أغطيك ..
أسهر طول ليلي
أحل لغز شفاك
سبحانه الذي معطرها من قدّاح
وسبحان الرِسَم بالقدرة أحلى ألوان
جوري بنشوة أيامه وعليها ارتاح
دخت ...
اني اعترف
واللّغز مامحلول !!
واجاني الفجر وحدة
إ مضيّع المصِباح
ويكليّ اعذرني
آنه اللي دفعت الليل
وآنه اللي خذت من الضحى المفتاح ...
كُلّه لخاطر الغافي بوسط عيناج
أتعنهّ يوميه
وكبل لايصحى ...
الفرَحة ..
الفَرحة بشوفة
أول نظرة من عيناه
لو فَكهن بعيني تكمل الفرحة
أجي محمل حِزن
وهموووووم ليل طويل ...
وبس أوصل لولفج خاطري يشرحه ..
وشايل شوك
مايكفي الوكت وأطر يه
وأنه وكتي كصير
وصُبحـِـج يذبحه
اكعد ...
ولك اكعد ياحبيبي
ماكفاك النوم ؟؟
أنه اشتاكيت أسمع همسة شفافك
نيمّتك ..
ونام وياك حتّى الليّل
ولو ما شمس الله الفجر ماعَافك
وخايف ...
أنه خايف هالنهار
يخطفك وأحتار ..
وماظِن النهار يروح لو شافك
شكتب بعد ...
يالحسنك مِلَك هالروح
ماعندي قلم
يكدر على أوصافك
والله
ماعندي قَلم
يكدر على أوصافك

بقلم : رفيقـة القمـر
إهـداء : الى قـاااتلـي
9 / 10 / 2008
غير مبروءة ذمة من ينقل القصيدة بدون ذكر الأسم