اخذ مني حياتي وفرهد اسنيني..
واخذ كلشي التريدة ولاتجافيني..
صَدَك مو دمع عالخد يهل أتشوف
عصرت هموم كَلبي واثر أبعيني..
ولاجرحي جرح يشبه بقية الناس
جرح ينزف شعر يسري بشراييني..
صرت مثل الحمامة وبيد الزغيرون
شلون اكَدر أطير وجفه لاويني؟؟
تعال اكَرب أريد بشوَك تشبكَني
وأريد بنشوة اشفافك تِرويني..
تعال أشمر ذهب شعرك على اجتافي
أريد بحضنك اغفة ولاتصحيني..
تعال اكَرب دخليني أفيض أشعار
ومن وحي الغرام اطََـَك دواويني..
تعال وناري وي نارك نطفيها
صب نارك عليهّ وحيل جويني..
ياصورة بدر وكَليبي صفحة ماي
الحد كَطع النفس وياك تدريني..
الحد كَطع النفس وياك تدريني..
*******************
مع تحياتي


الشاعــر

جلال البطاط


غير مبروء ذمة من يقوم بالنقل دون ذكر الاسم