رئيسة وزراء قلبي...زهير العقابي

حبيبتي


احسد الوردات صاير
غفن يمج وانه حاير
خذن من عندج عطرهن
لو هجرتي ياهو الهن
واحسد الكلمات
واوراق الدفاتر
ياورد بيش ارد احلفك
لو تشمك..انطيها خدك
ومر على شفافي بخدودك....
ياورد تدريه خلصان العمر
ومن بعدها والله مليت الصبر
ياوردها وين كلي كل وعودك...
ليش ياورد الحبيبه
الراح مني اشلون اجيبه
ليش موتدري البعد ذبل ورودك...
ياورد جم كمره بوجهها
وياحسن يوصف رسمها
طفله هي وغافيه تحضن زنودك...
ليش ياورد على بختك
انه جم مره سئلتك
تدري سر الكون كله في وجودك..
يارئيسة وزراء الكون كله
ياجمال الماعرف كلمة الخله
كلي احرسك وعقلي وكلبي جنودك..
يا شبيه النور يلمالك شبه
الجنه في خصرك اظنها مدربه
انت كلشي فوت عمي بزودك..
كلمات ارسلتها من قبل الى انسانه استولت على عرش قلبي..
ادمنت على حبها
احتاجها
اريد ان اضمها الى صدري
سيدتي هل تسمحيلي بذلك
انتظر الرد بفارغ الصبر

زهير العقابي
من صندوق الرسائل