بس تعالو.....زهير العقابي

بس تعالو
بس تعالو
فرحو روحي العذبتني اتريدكم
سهري ما مر عاليالي
حالي حال النجم حالي
والله لو احجيلكم
بأول احجايه تهل دموعكم.


اشلون نوصل والخناجر
بالخواصر نابته..
اشلون نوصل والدرابين
بحزنكم بايته..
اشلون نوصل ونتو عزائيل
يم بيبانكم شد رايته..
اشلون نوصل والدرب ظلمه
وشمعتك خافته..
اشلون نوصل والجوادر
بالمأتم ثابته..
شلون نوصل والسوالف
بالشفايف ساكته..


بس تعالو
لو اجيتو جفونه انحنيها
كلوبنا الماتنسه همكم
هلبت انسيها..
هلبت بختنا ايجيبكم
ونشم روايح طيبكم
هلبت..


اشلون نوصل..؟
بيا ادروب انمر عليكم
والجدم مشلوله..
اشلون نوصل..؟
والكلوب بكل رصاصات
الهجر مكتوله..
اشلون نوصل والحناجر
غصت بهلهوله..
اشلون نوصل..؟
وهلبت الماترد روحي
لاتظن مقبوله..

وما اصدك حتى لو جيتو وكعدتو
عيوني احس بيهن غشى وما كولن انتو
لان صرتو مستحيل
ماتجونا لانهار ولابليل


لا تصدك جلمه بالليل
انحجت..
لاتصدك
والعيون الذلها هجرك
ما بجت..
لاتصدك
والجروح الي بسببكم
ماشفت..
لاتصدك
غافيه احلام السنين
وما صحت..

بس تعالو

بس تعالو

ما ان تلائمت جراحي
وسطع نور النسيان
جئت كي توقظني..
لن اعود..
كف عني كل صراخاتك

بقلمي زهير العقابي














***
***
الكلمات
باللون الاحمر
للشاعرسعدون قاسم