][♥][ضيفتنا الغالية ام علاوي عــلــى كــرســي الاعـــترافـــ ][♥][

[ام علاوي]

اهلا بمن ملئت اروقة المنتدى بعبير حروفها
اهلا بمن انارت كل موضوع دخلت اليه
اهلا بمن ابدعت وتالقت وتميزت في كل شيء
اهلا بمن جلست على كرسي الود والمحبة والتعارف
الف تحيه وملايين التراحيب ارسلها لك اختي العزيزة

ام علاوي

صاحبة الروح المرحة
والقلب الكبير
والاسلوب المتميز
والانتقاء الرائع
والمواضيع الشيقه
لا وفوك هذا كله زعيمة السحالي التي لا تبالي
هلا ومية هلا بأم علاوي

نورتي الكرسي مو الكرسي منور بيج يالغاليه

راح ابدي بالاسئله واتمنى ان تكون خفيفه جدا وسأبدأها
شكرا جزيلا حيدر على هذه المقدمه الانفلاقيه وربي عاشت ايدك واخجلت تواضعي والله
واني بيكم اتميزت واهم شي عندي هو حبكم لام علاوي واتمنى اكون مجرحت احد والكل يحبني

بكم سؤال عن الحب

اود تعريف مختصر للحب من وجهة نظر ام علاوي ؟
الحب :هو رابطه مقدسه بين طرفين لكن يجب ان يبنى على الصراحه المطلقه والثقه والتضحيه بدون تفكير

من المؤكد ان لكل شخص وجهة نظر معينه للسؤال التالي

"" هل تؤمن بالحب من اول نظرة "" لماذا ؟ اود معرفة وجهة نظركِ
لا انا لاأؤمن بالحب من اول نظره لان ماكو شي اسمه حب من اول نظره نكدر نسميه انجذاب واعجاب لكن مو حب

هل عاشت ام علاوي قصة حب .؟ (( لكم حرية الاجابه ))
شنو هالاحراج حيدوري هههههههههه
\\\\\\\\\\\\\\\\\\\

ما مفهوم الحريه الشخصيه من وجهة نظر ام علاوي .؟
الحريه الشخصيه سواءللبنت او للشاب هي يجب ان تكون مبنيه على اصول تربيتهم والمجتمع بمعنى اخر يجب عليهم الاخذ بنظرالاعتبارالمجتمع الي عايشين بيه وبيئتهم
لان اني بأعتقادي ان كل انسان يعكس تربيته بطريقة كلامه وبلبسه وحتى بمشيته وبكعدته

ما هو قسمكِ او ما هو اختصاصكِ في كلية الهندسه .؟
قسم الحاسبات

متى تخرجتي ؟
2003
ما هو معدلكِ في المرحله الرابعه فقط وانتي تعرفين ليش .؟
ههههههههههههههه
معدلي 64 والحمدلله
من اي جامعة تخرجتي (( بغداد ، المستنصريه ، التكنولوجيه ...... الخ ))
لا اني جامعة بغداد
\\\\\\\\\\\\\\\\\\\\\\

متى تبكي ام علاوي .؟
اني دمعتي رخيصه وبسرعه تنزل ولاي سبب
ما هو اكثر موقف محزن مر بكِ .؟
اكثر موقف عند وفاة جدتي لامي لان هي الي مربيتني وملحكت عليها من ماتت
شخص تأثرت به في حياتك ؟
ابويه الله يخليه النه ذخر ويطول عمره ياااااااااارب
من مِن الشعراء تقرأ له ام علاوي .؟
الشعراء الفصحى جبران خليل جبران
والشعبي اي قصيده تهزني كلماتها اقراها
بيت شعر تعتزين به وتردديه دائما .؟
ان حظي كدقيق فوق شوك نثروه
ثم قالو لحفاة يوم ريح اجمعوه
صعب الامرعليهم قالو قوم اتركوه
ان من اشقاه ربي كيف انتم تسعدوه

\\\\\\\\\\\\\\\\\\\\\\\\\\

وهاي شويه كرزات اتسلي بيهن بالاجابه

شطبختي البارحه على الفطور .؟
البارحه مطبك دجاج مكانك فارغ هههههههههه
تعرفين تسوين شيخ محشي لو لا .؟ بصراحه هههههههه
يبووووووووو اموت عليه شلون مااعرف اسويه
ترى اني اعجبك بالطبخ (من مدح نفسه ذمها )
شكد عمر علاوي ودانيه الله يحفظم الج
علاوي 5 سنوات ودانيه 3
شنو رايج بالسحالي .؟ وشلون تتوقعين راح تكون خسارتهم ؟
اسمالله عليهن يخبلن
واتوقع خسارتكم انتو ياتماسيح بس شلون خساره كل القنوات تحجي بيها نيااااااااا

لهنا وكافي لان ما اريد اتعبج وياي
ابد والله بالعكس كولش استمتعت بالاجابه
تحياتي لكِ اختي الغاليه

واطيب الامنيات

شكرا حيدوري على خفة دمك واسئلتك الحلوه
واتمنى اكون جاوبت و وفيت بالاجابه

[الوردة الجورية]

هاج ام علاوي هاي هم العيدية مالتج ((مع انه أنتي لازم تنطيني عيدية لأني انتي الكبيرة )) وهم ضيافة حتى ترتاحين من بعد الأسئلة





واني كل شوي وتلكَيني ناطتلج حتى اضيفج بس لا تضوجين مني

تحيااااااااتي

[ام علاوي]

هاج ام علاوي هاي هم العيدية مالتج ((مع انه أنتي لازم تنطيني عيدية لأني انتي الكبيرة )) وهم ضيافة حتى ترتاحين من بعد الأسئلة

ههههههههههههههههههههههه هله هله بام الكرم كوله
حبيبتي اني رح ادزلج عيديتج برساله خاصه حتى ليضربوج عين ههههههههههههههه
الحساد هوايه ههههههه


واني كل شوي وتلكَيني ناطتلج حتى اضيفج بس لا تضوجين مني

تحيااااااااتي

شلون اضوج من حبيبة كلبي
هله بيج بكل وقت منورتني والله