رساله الى فراتيه..مع التحيه..زهير العقابي
سيدتي ...
انا لا أحب البوح عن اسراري
لكن طيور الزاجل المسافره ذهبت برسائلي ..وانا بأنتظار كل طيوري..
وصل اولهم حاملا اخر رساله
كتبتها لكي..
اله الرقه..رائعتي
لملمت كل الاوراق وبقت عندي من الرسايل ورقه وحده..
بيها مكتوبه قصيده للحبيبه الغاليه ام الكصايب واحلى ورده..
وبيها شوك اهل الشواطي الماتهده بليل جزره وصبح مده..
وبيها شفت البوسه طفله اللعب ذبل جفنها وغفة عنده..
وبيها المعاتب الكمري بكل تواضع بين ضيه وبين خده..
.وبيها الجفوف اتشابك والاصابع غيث مطره عالزرع مر وتعده..
وبيها صوت النفس عالي وكلمة اي والله احبك باقي بعده..
وبيها طرف العين غافي وأحد من السيف حده..
وبيها بوسات او سوالف غافيه وتحضن بزنده..
وبيها صوت الصدى يصرخ هذا رسمي بيج بعده..
وبيها قانون المحبه بلايا رحمه بين ربعه وبين جنده..
وبيها كلشي وكلشي بيها واليحبج غاب عن الوعي رشده..
واخر الجلمات ظلت والحجي البين السطور انه عرفته..
ليش مكتوبه القصيده بلا تحفظ وياهو يستاهل الورده..؟؟؟
انها رسالتي الاخيره.
اتمنى ان تكوني قدقرأتيها
المغلوب على امره زهير العقابي
(( بقلمـــي / زهير العقــابي ))
رد مع اقتباس