مطاردة شعرية (بالابوذية )

ممنونه منك يالكلك طيب وانشاء الله مايجيب الله زعل بس

بصراحة احب النظام وارد على حرف النون


نظيف اوداخلي صافي ولبي
گبل ماانخي افزع ولبي
الرئيسي ولااصل انه ولبي
اليدور علوفه خل يمر بيه


وسلامي للجميع

الي بعدي حرف ( ش )

[الشاعر محمد الحميداوي]

وهذا رد على ما كتبتي فتونه الغاليه
عله عيوني زحف اوصل ومرج
وكلامج كلبي ليطيعه ومرج
احس مثل العسل تعبج ومرج
احسج نار واحظنهه بديــــــه
مع تحياتي فتونه الورده

اهلا ابو جاسم اهلا فتونه
ياربي اتكونوا بالف خير
00000000000000000
وهاي الك فتونـــــــــــــــــــــه
00000000000000000

منك شفنه بس الطيب فاتن
دلالج والزعل ايام فاتـــــــن
اذا خوتنه بيه دخل فاتـــــــن
دوسيه واعبري وحكج عليه

ياله فتونه من اجل خاطرنه اني ومحمد0000
نسمحلك بالتوقف بس بحاله وحده0000
ياربي ايجيبه000
000000000000000000

[شاطئ السلام]

مصابح ناس عادتني ........اولمسها
واوعيني عن مودتها.........او لمسها
الافاعي بالمس لين.............لمسها
لجن من تجلب ابسما المنيه


تحياتي للجميع

[الشاعر محمد الحميداوي]

تحياتي اميره وابو الليث والمبدعه فاتن وهذاحرف الالف
اجيتك والكلب عندك يلمنه
يمته الدهر يا ولفي يلمنه
اموت وبيك اتحايه يلمنه
يمن وصلك يرد الروح بيه
---------الهاء------
تحياتي الى عائلتي الكريمه

مساء الليل الهادي على احبابي الحلوين

والك يالغالي علينا محمد الوردة حرف الهاء


هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه

الي بعدي حرف الجيم

وسلامي للجميع مع كل الحب

جيتك عندي حمل اشواق تنهال
كله من صميم الروح تنهــــــال
شوكت ياعمري مره علي تنهال
تجملني ويضل فضلك عليــــــــه

تحياتي لكل اخواني وحبايبي
00000000000000

[الشاعر محمد الحميداوي]

لغدرج رتبي يا دنيا وكيــلي
عادل ما نقص وزني وكيلي
حسبي الله نعم هو وكـــــيلي
اليعثرلي الغدرني وخان بيه

تحياتي الى المبدع ابو الليث والرائعه فاتن واميرة الروح وكل من يشارك معنا في هذه المطارده بس بصراحه خلصنه كل الحجي من وره مطاردة فاتن تحياتي للجميع