المليون دارمي .. تنفرد فيها منتديات الفرات

[الكناري يونس الجبوري]

جيت اسأل العقّال والعدهم گلوب
ليش الكناري يبوح ما يقبل يتوب

[الكناري يونس الجبوري]

شفت الحلو بالسوگ جاني بمنامي
حوسم دليلـــــي ور اح چنه حرامي

[الكناري يونس الجبوري]

حوسم دليلي وراح باليني بلوه
خصره خصر مجنون والبسمه حلوه

[الكناري يونس الجبوري]

خصره خصر ماشوف آني بجماله
والشعر مثل الليل وخدوده لاله

[الكناري يونس الجبوري]

الشعر مثل الليل وحاجب كما السيف
لايرحم اهل الـــدار ولا يكــــرم الضيف

[الكناري يونس الجبوري]

ما يرحم اهل الدار محبوبي قاسي
ينساني جمله سنين ويتهمني ناسي

[ام فيصل]

رائع ياجنتل


ماشاء الله عليك وعلى هذه القريحة الرائعة


متروسه روحي هموم محد حملها
مدري من اشوفك ليش انساهه كلهه

[الكناري يونس الجبوري]

رائع ياجنتل


ماشاء الله عليك وعلى هذه القريحة الرائعة


متروسه روحي هموم محد حملها
مدري من اشوفك ليش انساهه كلهه

الروعة في عبير مرورك وشذاه يا رمز الفرات واروع ام فيصل بالدنيا

مدري من اشوفك ليش تنساني الهموم
وافرح مثل صحـــراء تمطـــرها الغيوم