المليون دارمي .. تنفرد فيها منتديات الفرات

[الكناري يونس الجبوري]

لا جرحي معد يطيب وما ظنتي ابرا
اكتب واذب اشعار والغيري يقرا

[أنثى شرقية]

منك تعلمنه وزود وفهمنة المغزى
ظل اكتب واشعر دوم ومتع نظرنا


وتسلم لتعديل بيت الدارمي

تحياتي للكناري

[الكناري يونس الجبوري]

هلا احلام تدللي
شفت فيه جماليه حبيت اظهرها فقمت بالتعديل

يسألني البطران ياهو التريده
كتله ولك موجود في كل قصيده

[الكناري يونس الجبوري]

يسألني البطران وين انته ساكن
كتله ينور العين بكل الاماكن

[الكناري يونس الجبوري]

يسألني البطران ياهم عمامك
گتله آنا منك بيك وانشد عظامك

[الكناري يونس الجبوري]

ما اجوز انا من هواي لولا الخناجر
بنص ظهري كلها تصير واندفن باچر

[الكناري يونس الجبوري]

حبيته انا واسباب حبي خفيه
وكل قطره بالشريان تشهد عليه

[الكناري يونس الجبوري]

لو اطيح انا بالبير من حب الاسمر
ما اطلع اترجاه ينطيني دفتر