المليون دارمي .. تنفرد فيها منتديات الفرات

[الكناري يونس الجبوري]

ابقى وراك سنين يالتعبتني
انسى القهر والضيم لو عاتبتني

[أنثى شرقية]

ياااااه ثكل الدمعة اليوم الي جوتني

موكافي ياروح حسرة بالقلب جوتني

[الكناري يونس الجبوري]

كافي الدمع ارتاح وانساها الهموم
وهنياله اللي يموت ياخوتي مظلوم

[أنثى شرقية]

بالدمع نبقى نعيش بالدمع نرتاح
والظلم يبقى وياي گاع ويه فلاح

[الكناري يونس الجبوري]

بالدمع ترتاحين يا عيني فيضي
ويجروحي لتطيبين لو طبتي هيضي

[أنثى شرقية]

هدي ياعيني شبيج وجعتي الجفون
عمر الجرح مايطيب لوتبجي دموم

[الكناري يونس الجبوري]

لا جرحي معد يطيب وما ظنتي ابرا
اكتب واذب اشعار والغيري يقرا

[أنثى شرقية]

منك تعلمنه وزود وفهمنة المغزى
ظل اكتب واشعر دوم ومتع نظرنا


وتسلم لتعديل بيت الدارمي

تحياتي للكناري