المليون دارمي .. تنفرد فيها منتديات الفرات

[الكناري يونس الجبوري]

المايذوب شلون يحس بالحلاوه
والمو عجين يصير ما به طراوه

[شوك الشفايف]

الله كنت رائعا..

المايذوب نكول ما يعشك ابروح
شنهي الملذه البيه شوك وبلا جروح..

[الكناري يونس الجبوري]

الما يعاني جروح ما يشعر بطيب
مثل الذي بفلوس يودي ويجيب


هههههههه يعني بشتغل اجير كافي خيره شره

[شوك الشفايف]

الما يعاني اجروح ماعنده احساس
مثل اليمد اجفوف يتوسل الناس

[الكناري يونس الجبوري]

ريت الجرح مترين ومكوم الدود
ويمرني ساهي العين ويلگاني ممدود


هههه بلكت يحن يا شوگ

[شوك الشفايف]

ههه الله يا كبير ......الله
انشاء الله يحن ..

ريت الجرح يهواي غمكه بغمك بير
حتى اليلجمه يضيع وبطلعته يحير.

[الكناري يونس الجبوري]

بيه ولا بهواي وبكل خوالي
هذا شريچ الروح ما غيره غالي

ما يهون علي ينجرح يا شوگ

[شوك الشفايف]

الله الله......
لانك تعشقه بقلبك الكبير من الطبيعي لا يهون عليك جرحه..
اخي الكبير اتشرف والله بالمساجلة معك..

كون الجرح يندار بيه ويعوفه
بلكت يحن ويعود وبعيني اشوف.