المليون دارمي .. تنفرد فيها منتديات الفرات

[الكناري يونس الجبوري]

حگ عيني تبچي اعليك وحگ گـــلبي يحتار
وما الوم انا الحلوين من عندك تغار

[ام فيصل]

اسعد الله مساك يايونس

نور ونظر للعين ولكلبي دكات

لو بيدي اودي الروح ماودي كلمات

[الكناري يونس الجبوري]

الله يخليچ يا رمز الفرات خيمة نستظل بها جميعا

تسلم لنا الدگات في گلبچ ودوم
وعيونج الحلوات تنورنا كل يوم

[أنثى شرقية]

شكد حملت هموم والحزن بيتي
لامرني صبر فد يوم ولا فرح مهجتي

بقلمي

[أنثى شرقية]

حملت دموعي من صغر سني

مرت سنين العمرومافاركني

بقلمي

[الكناري يونس الجبوري]

ريت الحـــــزن والهـــم لا مر ولا جاچ
وابعدي هالاحساس عن روحچ شجاچ

[الكناري يونس الجبوري]

محد وحگ عيناچ يستاهل دموع
وعگب العزيز الراح ما متنا من جوع

[أنثى شرقية]

موبيدي وحك الكون يل تحجون
الهم انزرع بالدم ومافارك العيون

بقلمي