عندما يتكلم الجرح !!!!!

[ام فيصل]

مرحبــا بالعزيز الغائب الحاضر بيننا
اشرق المنتدى بهذه العودة الميمونة



ادك بابك بديه
اسد بديك الباب !

هذا احساسك انته وهيج كمت تكول
منهو كال بيدي .. الباب سديته

واصيحن حيل بسمك
مسمعت صوتي ؟؟

معقولة اسمعه الصوت ونسيته ؟؟

اكولن ليش ؟؟؟؟ وبعد جم ليش ؟؟
نسيت دموع عيني الفيضتها عليك

ابد منسيت والله ولاتظن انسه
بذات الكلب لو ينساك سميته

نسيت شلون ادعي وحركتي بروحي !
ممصدك بعدني معاذل وي الروح

لتصدك تراني بحيرة متحزم
مومعقولة كل الراح انه محيته


وارد اشبك صفنتي والتهي بنوحي !
ما ريد ثلج تطلع شمس وتموع

هوه عذيبي اعتبرتك والمت ريتي !!

شنهو البدر مني وهيج عني تكول
ونه المايوم بيدي الباب سديته

درت وجهك عليّ خايب اغتريت ؟
لو متريد شمعه وضاويه أبيتي ؟

مو آنه الطبع بيه الغرور
ولا بيدي عليك الباب رديته

الم بيدى الجرح واصفن واكولن ليش ؟؟
وعلى موده عمر ياروح تانيتي !

خليك بصفنتك والجرح خليه
ونه حزام الصبر علكلب شديته

يمر صوتي وتسمعه وماترد الصوت
صباح الخير تنطر شوك قافيتي

اذا هيج اعتقادك ماارد عليك
يل بيدك كليبي حيل أذيته

يامدري شأكلك ( والله ) حلكي يضيج
عزيز هواي عندي وجنت ساريتي

أظن الي يعز يلتمس لعذار
مو بس بالحجي ينكال عزيته

انتظرك صبح تفضح ظلام الليل
ويروحي شبيج بسمه شلون ناديتي

كــِرهه الروح لو نادت بعد باسمه
مايستاهل النطره .. ليش بقـّيتـه

صارت منتهى احلامي شمس وحجبهه الغيم
واصفكت جفيني وسفه ..... و هاااااي تاليتي

صارت منتهى احلامك محجوبة بالغيم ؟؟
وانت السيف شلته بوجهي سلـّيته

عذرا للمداخلة وتشويه روعة كلماتك عزيزي
سلمت يداك ياصانع الكلمات والإحساس
ودام لنا هذا الحضور
مع خالص تحياتي

[ام علاوي]

قصيده رائعه جدا
دام لنا هذا العطاء اخي ماجد
لاتحرمنا ابداعك المتجدد
لك كل الود واطيب التحايا

[الشاعر ماجد الدعمي]

اخي مصطفى سعيد بتواجدك هنا وبمرورك العطر
تحيااااتي

سيدتي ام فيصل شكرا للمداخله الرائعه
حقيقة زادت حروفي اشراقا
وانا عطش لهذه الكلمات دمتي بخير وحماك الله

ام علاوي الغاليه انا سعيد جدا بمرورك الكريم
وشكرا لاطراءك الجميل