من اشوفك

[الشاعركريم السلطاني]

حلم أغفه على ايدينك وأنام بساعة الملكَه
وأهديلك حنين الروح بعد الغربه والفركـَـــــــه

من أشوفك ...تخضر روحي من جديد.....
وكل شريان من دمي يطك عركَــــــــــــــــــــه

عسل بشفايفك لو ردت ابوسك يــــــــــوم
اخاف شفاي تلزك.....بشفتك دبكَــــــــــــــــه

أهو حبك نبع والدنيا بيه جــــــــــــــــــــروف
واسمك موج عالي يفرح الغركَـــــــــــــــــى

اعطش ما اريد الماي ........انته المـــاي
كل ماي الاشربه تصير الي شركَـــــــــــــه

صبغ روحي الجرح مايرضى بيه يطيـــــب
الا... بليل هادي جروحك تشبكَـــــــــــــــه

ياباب الفرح والشوكَ والاحـــــــــــــــــــــلام
بظلوعي ادكَن حيـــــل الف دكَــــــــــــــــه

عساك ترد ..عسى تبرد غليلي ولوعة الحركَه
عسى بيوم الاشوفك ينكَلب هالكــــــــون

وكل يابس شجر جلماتك توركَـــــــــــــــــــــــه
يا محبس ذهب والشذر بيك عيـــــــــــــون

مو بالارض تلمع .... بالسمــه الزركَــــــــــــه
مو طر الفجر والصبح ما هــــــو بعيـــــــــــــد

يا نجمة سمـــــــــاي شعندج معلكَـــــــــــه
بعـــــــــــدج معلكَــــــــــه
يام علاوي لم اكتفي بدخول واحد على هذة المشاركة انها رائعة كروعتك

[ام علاوي]

ابو حاتم دخولك غمرني بهجة وفرح
وحضورك زادني شرف
لاتحرمني من هذه الاشراقه المميزه
تحياتي وجل تقديري عزيزي

[عمار الطائي]

عاشت ايدج ام علاوي على هذا الهمس الانيق الناعم

[سامي المشكور]

الله الله شعر رائع جدا

ننتظر المزيد

[ام علاوي]

عمار الطائي انت العايش
شكرا للمرور الجميل عزيزي
لاعدمتك
تحياتي

[ام علاوي]

سامي المشكور .... شكرا للطله البهيه
لاحرمت روعتها
لاعدمتك
تحياتي