قصيدتي الاخيـــــــــــــــــــــــره

[الشاعر ماجد الدعمي]

بسم الله الرحمن الرحيم ...

اخوتي واخواتي الكرام في بيتي العزيز الفرات تحيه لكم من القلب
ودعواتي ان تكونوا بخير وصحه وسلامه ... يعز علي طبعا ان اضع بين يديكم قصيدتي الاخيره او مشاركتي الاخيره .. لضروفي الخاصه التي امر بها هذه الايام والتي تضطرني للغياب عنكم ولفترة ربما تطول او تقصر ...ولكني ساكون لكم متابع قدر استطاعتي ..
سعيد انا بكم جدا وبما لقيت منكم من حسن الردود ومن متابعتكم المستمره لي وانا فخور بكم وبكل حرف وصلني منكم ...
تحيااااااااااااااااااتي للجميع
*********

اني شاعر
شايل جروحي قصايد
وكاتب همومي قصايد
واشري بدموعي اليتيمه
لناسي فرحه
واني شاعر ..
وغلطتي صرت انه شاعر
والشعر بدماي يجري
نهر مايعرف يجف
انه لعيون الفرات شكثر اكتب
شكثر ابجي
شكثر اضحك من جذب !
حتى ماتوكع دمعتي بيد حاقد
وحتى ما تشعر باليتم عين
القصايد ..!
ولان قررت الرحيل
ودمعتي اسولف حسرتي
وصوت مذبوح اعله بابي
يكلي سافر
وين ما رايد تروح !
ومر قطار الليل ومحمل قصايد
شاهدت كل القصايد
كلهه بعيوني يتيمه
وبيتم ذيج القصيده
الجان اسمهه
(منين اجيك ؟؟)
وانت تدري ليش امس صارت يتيمه
ومر قطار الليل
وتعده جم محطه
وحده بيهه دموع
وبالاخرى هلاهل
ووحده بيها اطفال تضحك
ووحده بيها عيون عاشق
ووي مرت كل قطار اسافر
عيونه اعله طوله
يتاني من ياباب
ينزله حبيبه !
وكل قطارات الليل مرت
وبس بقه اخر قطار
شاد بيهه الامل شمعه
ومن وصل هاي المحطه
ماوكف بيهه القطار
يابه .. ليش ّ؟
هااي مهجوره المحطه !
شلون مهجوره المحطه ؟؟؟
واني من يمته اجيت
شلون مهجوره المحطه
وانه انه اشكد تنيت ؟
وراح ابيع سنين عمري
واشتري بيهن جكاير
واسكن بهاي المحطه
وحتى لو مهجوره المحطه
ابقه بيهه
بلكي هي الي تلمني
ولا اظل بدرب تايه ..!
واكتب اعله الحيطان وينك ؟
اني وحدي
وجلمة البيه قصيده
وعيون مشدوه اعله دربك
وجيتك صارت بعيده
وراح اسجل بيدي اسمك
ذكرى اباب المحطه
وياخذه اخر قطار
وخل يسافر ...
واظل انه وليلي وعيون المحطه
والسهر بيبانه حسره
وانظل نسولف
هي هي بحالي تدري
واني بعد بحالهه ادره
اني هجرني الليالي
وزين لمتني المحطه
****

تحياتي ماجد حسن الشاعر
2/4 / 2009
تحياتي للجميع مع خالص دعائي للفرات والفراتين السمو والتالق