السلام على الحسين وعلى اصحاب الحسين
السلام عليكم ورحمة الله وبركاته
اقدم لكم المجارات الشعرية لشعراء اهل البيت عليهم السلام
ومحبي ابا عبد الله الحسين ع
اتمنى ان تنال استحسانكم


حسين الشاعر
ألف موتـة متت ابداً مگلت آه
ورغماً عالوكت صابر مگلت آه
عگلي بحب ابـو اليمة مگول تاه
هايم بالعشگ لأبن الـــزچية

الشاعر السيد عدنان الحمامي
بحب شرد اوصف وشملي
اسمه اموًسم بگلبي وشملي
بالمحشر لوَن شمله وشملي
انجمع واشكيله حبه شعمل بيه

حسن الشاعر
حب حسين والعترة .. مـلانه
وكاس نشربة بالكوثر .. ملأ إلنه
چم طاغي بطاغي مر .. مّلانه
لأن ما گدر يمحي الفاطميـة

الشاعر السيد عدنان الحمامي
بحور امحبتك يحسين ماجن
وجن ليل الولاء وغيره ماجن
عابس لوله حبك چان ماجن
مثل عابس غرامك صار بيه


حسين الشاعر
بحب حسين واهل البيت جنيت
وبمحبته الغالية من الليل جنيت
فخر وكبرياء بأسمه جـنـيت
لأن أصل الوفة وأصل الحميـّـة


الشاعر السيد عدنان الحمامي
يبو اليمه وحگ مسلم وهاني
احبك لاتظن حبك وهاني
بالمحشر سعيد انه وهاني
شفيعي انته يبن سيد البريه


أسألكم لي ولكم الدعاء
اخوكم
محمد السوادني