وينك ماتجي ؟؟
مو كافي عني بعيد
ومو كافي ادورك واني ماناسيك!
يمرطيفك واحير شراح احجي وياك
شأكلك حبيبي ؟ خاف ما اوفيك
شقرالك شعر شيفيد شعري وياك
احس كل القصايد جنهه متوافيك
واتلكاك واشبج عشرتي بجفك
واصيح بصوت
اشكد صارلي متانيك
اسولفلك عن حسرتي ؟
اسأل عليها الليل
وعاين للليالي شراحت تراويك
دمعتي تعوف عيني
من يجيهه الليل
وتاخذه الدروب وتعتني وتجيك
وينك ماتجي ؟؟
مو ذبلانه الشوك
احجايه انريد بأذنك تقبل
نحاجيك ؟
ارد اصرخ حبيبي بوجه كل الناس
وافتحلك بيابي العين لمه ارويك
وينك ماتجي ؟؟
معتاز اشوفك عاد
اشو طالت سفرتك ليش مارديت ؟
طالت غيبتك ولساعني متانيك
اريد اشبك فرحتي واعبر اعله الاه
وحيره اباب روحي
شلون شنسميك ؟
تحيات ماجد الشاعر 5/1/2008
رد مع اقتباس