ابوذيات لاحلى اعضاء

بخت يزداد حتى اوصلك ونالك

يحلو الطول اليه انت ونالك

ما تدري اشكثر كلبي ونالك

ابصباحه عليك واكثر بالمسيه

عليك ألقيت حجة وألقي يامة

ويامة براسك احجي وألقي يامة

تدري الحشر يمتة والقيامة

القيامة والحشر زعلك علية

الدمع نهران من العين ينساب
طريح او لا صفالي الوكت ينساب
اليسب الناس لابد يوم ينساب
ويظل مكروه ما بين البريه

العشك من استراحينا وهتع
واخذنا من الدمع راحا وهدنه
يا حلو الطول فك ياخه وهدنه
عجـزنه من الهوا ونارة سريه

انة اول احبك واخر اني
وسبب العطلني اجيلك واخراني
الگلب من ردت اشبگك وخراني
ركض مني يشبكك كبل ادية

الشعر والاخوه والنت دعانه
انجمعنه وحب الشات دعانه
يارب الخلق اقبل دعانه
وتظل هاي الاخوه دائميه

صعب رسمك على ايدي شخــط بية
يل رسمك مو مثل رسمي شخط بية
مثل كبريت البكلبــي شخط بية
وية جرتة علكيف ايوج علية

قضية اسمك على اسمك ما شخطنه
ازدحام واحنه اعلى دربك ماشي خطنه
شتظن من كد حلاتك ما شخطنه
اليشوفك ينشخط ميه بالميه