كل عام اليمر







كل عام اليمر وانته بألف خير

اهديلك حياتي بدون تفكير

اهديلك سنيني وماي هالعين

وازرعلك دروبك ورد صفين

اكلك تأمر شما ردت ويصير

اضحيلك حياتي بدون تفكير

ما كلك قصور وملك أهديك

لان ما عندي أي شي بحالي تدري

بس اكدر اكلك هاك اخذ روح

مني وبعد فوك الروح عمري

وأكثر بعد اكدر آني انطيك

انطيك الموده وغزل شعري

وأكثر بعد أكثر عندي موجود

عندي انته أمير مفوض بأمري

واكلك تأمر شما ردت ويصير

اضحيلك حياتي بدون تفكير