ضنيتك فرح

[ام علاوي]

الاجمل هو تواجدك عزيزتي اشراق
شكرا لك غاليتي
لاتحرميني تواصلك المميز
ودي

& ضنيتك فرح &

ظنيتك فرح بشفافي تنشال
وتعوضني الحنين المن گـبل ضاع
ولگـيتك بس جرح وبجفني سهران
وتوسلت الظلوع اتشيلك اوجاع
وتحملت الملامه وصوت الاعتاب
وگـالو مو يبيعك هذا خداع
وصدگـ صارت بعتني برخص الاتراب
واجوني وعيروني وگـلت ماباع
دفنت بعيني ذنبك عن الانظار
لجن بدموعي ذنبك بين وشاع
صدگـ عيب الدمع من جفني لوطاح
وصدگـ عيب العزيز ايدنگـ ابساع
السبب دنگت اشمرك من الامتون
واردنك الاصلك وانت بالگـاع
يلابس وجه من لوحه مصنوع
مو نار الشماته ادور امتاع
وصدگ طبع الثلج على منقله ايموع
بس يحرك گلب كل جمره لوماع
جنت خايف يجيلك يوم واتروح
هسه المنه اخافن تلغي الوداع
يلكلك جرح شدحالك وروح
خايف لايلجمك جرحي لولاع
صاع الجاني منك عنه ماگـول
بس والله من ارده بمية الف صاع
يلغصنك هدل من گـظه الناس
ماضل جف إذا مالاحك ابساع
ترست اسلالي منك من جنت فوك
مو لمن طحت امتدلك اذراع
جنت بس انا اصعدك وانا اشم بيك
و وصل حدي ويشمك حد الاشباع
اشتهيتك ياعنب جي لنك ابعيد
وابد ما اشتهيك وانت بالگـاع

.....................

مماراق لي كثيرا

السلام عليكم اختي ام علاوي
جميل ماراق لك000لكن000
التسامح شيئ جميل0000

لتصدكين الحبيب يعوفوه0000اذا كلبه ينكط عسل صافي
كلام الحلو بلسم مايملوه0000الوفه طبعه واذا واعد يوافي
لكن من يكثر الحجي يعوفوه000يكلوله انتهت صحبتنه كافي

تحياتي لك هكذا بدت لي الصوره

[ام علاوي]

ابو الليث الف شكر لروعة التواجد
وتسلملي المداخله العذبه
لاعدمت اشراقتك اخي
لروحك عطر الزيزفون

[ناصر اسماعيل الموزاني]

كلمات رائعه شكرا لذوقك الرائع
ناصر

[ام علاوي]

ناصر اهلا بك بيننا اخي
واسعدني جدا حضورك الجميل
لاعدمت تواصلك المميز
ودي