ابو ذيات جميلة
عزيز وبالكلب كل يوم تحله
اذا وياك حتى الحزن يحله
خلى شما يصير يصير بيه
*************************
اكت دمعي تريده هسه اكت لك
وتريد اللساني يسكت هالسكت لك
اذا متكول احبك هسه اكتلك
واكوم النوب واكتلني بدية
*************************
ابد مايوم كلبي الفرح طبله
معلعل ما لكه ياناس طبله
ثنه ركبه زماني ودكله طبله
وكض سبحه وركص جوبي عليه
*************************
الكلب ما باع من حبه ولك باع
ولك خبره بوسط روحي ولك باع
تريد تروح وتهاجر ولك باع
اذا هاجرت والله تعم عليه
********************************
نسيت انه المصايب مانسني
وليالي الفرح ابدا ما نسني
تكلي سني انته؟ مانسني
عراقي وافتخر باجمل هويه
*********************************************
أنة ألشديت جرحك ليش حليت
عليـة وحلـة ألطـلاب حليت
ذكرتك بأمتحاني وغلط حليت
شجاوب وأنت شاغل حتى أدية
( منقـــــــــــــــول )
يرجى كتابة كلمة منقول للأمانة الادبية
ومنعا للحذف لاحــقا ً
رد مع اقتباس