آه ياطف الحسين
اصيح وبس صدى صوتي يصحباي
حسافه اعلل ترب طحتو يصحباي
تظن الصار ياجدي يصحباي
بضريحك ضمني لن ظاكت عليه
يمينك شيبت راسي ويسراك
تعال اوعاين اطفالك ويسراك
اظن ما ترضه تنظرلي ويسراك
عكب عينك نواظر آل اميه
اخوتي الجانو لعيني سلاها
جفوني والبعد روحي سلاها
شحال الفكدت الخمسه سلاها
حسين واربع اخوانه سويه
هذيج الطلعه ما ظن منكراها
وحله بعيون خصمك منكراها
على جتلك الوادم من كراها
يزيد وعصبته اجتمعوا سويه
السهم ياعين صوبها فتاها
ويمينك ياهو حللها فتاها
يابن ذاك الذي صاحو فتاها
الشهاده الكم صفت ميزه وسجيه
الحنين اعليك هودرني وردني
ودموعي بجفي اكفكفها وردني
عاري اعلل ترب جسمك وردني
ثلث تيام باقي اعلل وطيه
وحشه خلاف سكانج يداراي
يافي الجان للوادم يداراي
ياوسفه اعلل ترب نايم ياداراي
امن المشكاة عاري اعلل وطيه
لحيته انصبغت بدمه ولهدوم
وعليك الكلب يابن امي وله دوم
العلم والصبر يشهدله وله دوم
مراجل من علي حامي الحميه
رد مع اقتباس