احضن خيال اغطاي دارمي

[شاكر الهلالي]

دارمي رائع جدا وجرئ

سلمت اناملك المبدعه 0

[شوك الشفايف]

تعال..تعال.؟

تعال بياذنب لوجيت احاجيـــــــــك......... ونه اظنوني الجبيره اتعلكت بيــــــك
شلت حبك ابكلبي وخايف اتظيـــع ودمع بين الجفن والعين اخليـــــــــك
وذا مرني الحزن وايريدله ادموع اعيوني ابجيهه اله ولتصدك ابجيــــك
احس حجيـك شعر واسوالفك شوك وحلاتك من حلاتك تنجبر بيــــــــــك
أنه العود الكبر صوتي اعلى دنياك أفز واصحه بلحن واغفه اعلى طاريـك
واصوغ اسمك قصيده بلون موال واحتار ابوفه بياطور اغنيـــــــــــــــك
أذا مرك عطش وتريدلك مـــــــاي دهاك ادموع عيني ابفرح ترويــــــــك
حسبت احساب توفي العهد ويـــاي وخنت باول الممشه وكلت اوافيــــــك
وبعت روحي ابرخص ماردك الطيب وانه بنبض الكلب لو تنشره اشريـــــك
بعد ماضل وفه ولاجلمه تنكـــــــال أذا اولك هذا اشلون تاليــــــــــــــــــك.



شعر..عدي فريد