سجن بوكه
انه ام مفاركَه ودموعي تجري
وبس وحيد وليد من دنياي ذخري
وهم لحگني عليه ياهاناس دهري
وصار مسجون وعليه دموعي تذري
يمه حتى الليل مل من طول سهري
والمخده النشفت دمعاتي تدري
يمه چن يوم القيامه وتاه فكري
غسلت وجهي بهمومي ولملمت
بالدمعه عمري...
وچورت همي اعلى راسي
وشلت صبري...
وجيت معتنيه الوحيدي الكسر ظهري
شفت بو كا وچنها يوم العاشر
ونيران تسري...
وشفت سجانك يهودي وحرت
بأمري...
والعساكر كلها وليه
وكون عميه ويكف
بصري...
وكون مطفيات ياعيني ولايگلي
يله نظري...
ذاك ابنچ جسد باقي بلايه روح
ذاك ابنچ جسد بيه تمشي الجروح
ذاك ابنچ كبرّتله اطهر مأذن
والصروح...
ذاك ابنچ ماجزه العشرين
وسنينه تروح...
ذاك ابنچ بي عطر كل الصحابه
ظل يفوح...
وذيچ بوكا جبال والذله
سفوح...
فرفحت روحي ييمه
وگمت انوح..
يمـــــــــــه يوحيد هذوله يعذبونك
ياشريان گلب امك يغلي اشلونك
كون الروح وعيوني يجونك
وكون وسط كَليبي يبني يخلونك
كشفت صدري ودعيت
اعلى اليضربونك..
عساها مشلوله ادين اليضربونك
الى كل قلب طاهر
ونقي ..
الى القلب الكبير
الى الام العراقيه الطاهره
نتمنى ان لا ترين
سجن بوكا..
امي انحني واقبّل يدكِ
ايتها العر اقيه
الطاهرهّّّّّّ بقلمي نبراس الفرات
20ّّّ\9 \2010
رد مع اقتباس