بدون مستحه
يادين اليكول ذنوبهم مغفوره
والله من الكبائر ينعد السووه
بغفله طلعتنه اشباح بالصوره
التمو عالوطن برخيص باعووه
للبوك صارتلهم اصول مذكوره
طبع بيواخير الغرب اتعلمووه
واحد المصرف مضطهد بزغوره
وثاني التمن حصته والشكرات
وآخر بلا عداد يحمل بمقطوره
شتانه انلغه مانحتاج للنفطات
والله يرحم التعيين حاله محظوره
معاملتك ناقصه اذا مابيهه {ورقات}
صار ضيعه البلد مهجوره
وسفه وحيف يافرحة الشمات
مشكوره حكومتنه حيل مشكوره
جازيتي شعبنه تعب الانتخابات
مو واحدنه طلع من طوره
علينه تاه المحبيس عدمن بات
بقلم / الناصري
رد مع اقتباس