دوريتك....غزل وجداني...مع تحياتي
((دوريتك))
دورت كل ذكرياتي..
ومالكَيتك!!
رحت أدَور عاليالي..
البيها طيفك!!
دوريتك ياشبح إنسان!
دوريت بعالم النسيان!
تعب جدمي..
ومالكَيتك!
شفت روحي بكَاع
سموها الضياع!
وبيها اثر لأقدامك
بدرب الخداع!
والدرب عثرات
وشراعك ضباب!
وصار ضلي..
يكَود شوفي..
وعثرت أقدامي
بشبح وسط الظلام
اتلمسيتة؟؟
الكَيتة خوفي!
جيت أمد أيدي
واخنكَة!
طاح جفي!!
وضاع صوتي!!
:
ورجع ضلي
أيدور...
بأرض الحقيقة والخيال..
عن اثر إنسان؟
ولكَيتة محال!!
وضاعت الجلمة!
مثل ماضاع
ذباح الهوة!!
وصار واقعنة خيالي!
وما لكَة الجرحة دوة!
والحقيقة الغافية..
بحضن الليالي
تبقه سكرانة
بغدر هذا الزمان!!
وتبقه جلمات ألوفة!
وهم
وخيال!
والجفوف النزعت
أثياب الحياء!
تبقى أصابعها
مخالب!!
تحفر بجسم
الوفاء!!
**********مع تحياتيالشاعــــــــرجلال البطاطغير مبروء ذمة من يقوم بالنقل دون ذكر الاسم
رد مع اقتباس