استقالة وزير الكهرباء..عاجل..زهير العقابي

[بـنـت الـقـمـر]

بين واعي وبين فاقد مر عليه الخبر عاجل
احد ازلام الحكومه احترم نفسه وكال راحل
سلم من غضبة حليم وبقراره اتضح عاقل
العراقي التهب ذاته ومن عرينه كام قاتل
وقرر ايهد المعابد وانه اعرفه اشكثر باسل
ويا هبل سحكوك والله والسره للات واصل
وجت الغيره بنادق والكصص عركت قنابل
وصاح ابن البصره صيحه هدت اركان المنازل
والشهيد اعيونه تضحك زفته اصوات الهلاهل
صرخ ابن الصابرات علظلم هل من منازل
هذا سيف حسين بيدي وانه جف عباس حامل
ثورة الحق عل الضلاله ومانخلي اليوم جاهل
وخضرت كاع البطوله وضحك ورد الجان ذابل
ولعلت روسه اعلى زرعي لابد اتحشه المناجل
انولد ثوب اسمه عداله وبعد ما تطلك حوامل
صرخ بوق الحق ينادي ايريد شعبي انسان عادل
صرخ بوق الحق ينادي ايريد شعبي انسان عادل
العراقي المايله بصبره عدلها
حسب زلاتها وبطل عدلها
حكم الدنيا من يضبط عدلها
بس ابن العراق البيه حميه
السلام على الشهداء..
وعلى ارواحهم الطاهره.
استقالة وزير الكهرباء..هي بداية النهايه لكل من استخف بحرمة اهل العراق.
شهداء انتفاضة الكهرباء دماءكم دين في رقاب كل العراقيين ..فلنجعل من دمهم مشعلا يضيء طريق الثائرين..

زهير العقابي
ايها الوطني الثائر


شاكرة لك .. هذة المتعة التي أمتعت
بها تراتيل ارواحنا..
وفي انتظار نزف حبرك القادم .. بكل شووق .
تستحق التقييم

لـ عمقك جليل التقــدير
بنت القمر

[السومري71]

اخي الشاعر المبدع زهير العقابي
لطالما كان الشعراء وأقلامهم هم اللسان الناطق بأسم الشعب
والتعريف بمظلوميتهم ومعاناتهم
وهي امانه في رقبة وضمير كل شاعر وأديب شريف يحترم شعبه وقلمه
فكل الشكر لك اخي ولأحساسك الرائع
ننتظرجديدك
كن بخير

السلام عليكم ورحمة الله وبركاته\حي الله هذا القلم الصادق وعاشت الانامل التي خطة تلك الكلمات كما قلت اخي انها بدايه نهايه المستخفين بحرمه اهل العراق الابطال الرحمه ورضوان لشهاء انتفاضة الكهرباء والجميع شهداء الوطن الجريح

[الشاعر جلال البطاط]

تسلملي حبيبي زهير على هذه المعزوفة التي تدل على حسك الوطني الكبير...ولولا احترامي للمنتدى جان جاوبت هذا ابو شرامة!!!!!! بما يليق بامثاله..تحياتي الك يامبدع وانشاء الله هذه بداية النهاية.

ارداكلك ياابوسجاد الركابي اخرحرفك كائبي
يعني ميهمني كلامك يا000 المعنه معروفه شبابي
ولاتطاول عل كرامه اني يالراعي عراقي

[ام فيصل]

الاخــوة الشعراء
اخواني الاعضاء

ارجو ان تكون الردود بعيدة عن التشنج والتلفظ بالفاظ غير مقبولة
ولايسمح بأن تخرج الكلمات والردود عن الذوق العام
واي رد مخالف سنضطر آسفين الى حذفه بأمر من الإدارة
مع تحياتي لجميع الاخوة

[الحــر]

بصراحة اود ان احييك من كل قلبي
على هذا النبوغ الشعري الارتجالي الذي تتحلى به
فقد اسست لنا كلمات رائعة حوت كل معاني الثورة والصدق وبيان الحقيقة ...
وهذا ما عوتنا عليه دائماً يا شاعرنا الفاضل الكريم
قرأتها اكثر من مره لاني احس انها تحمل بين طياتها لهيب من شعلت القلب التي لا تبرد

استقال الوزير ولكنه مع الاسف في الوقت الضائع..!
حتى يصبح بطل قومي فيما بعد لانه لم يبقى اقل من شهل وتنحل الحكومة ويروح يشوفلة اي دوله يترف بيها..!!
لان يدري بعد محد يكلبة

حبيبي واستاذي بوركت وطيب الله انفاسك

الحـر ,,,,

[ابو سجاد الركابي]

ابو شامه:انت الظاهر مستفيد فائده كبيره من وزير الكهرباء
ولذلك الكتاب باين من عنوانه
يعني انت مبين من اسلوبك في الرد ومن اخطائك الاملائيه الجمه
لان واقع حكومتنه الرشيده اعتمدت على مثلك
فلا تتطاول وانت ضيف جديد في منتدى ابداع ورقي
كن رشيدا------------------