موسوعة الأبوذيات***

احس كلبي عليك اليوم لاعب
وكلام الخشن بطله وياي لاعب
شجاني وطحت بعشك لاعب
تركني وفضل الطوبه عليه
(عناي):
________________
اطرب من يصير النوح عناي
وانته الواعدت متغيب عناي
لون تبطي اجيك بليل عناي
وعيب ارضى الصبح يطلع عليه
(وزني):
________________
لعنة الله على الشيطان وزني
ثكيل وخفف الملعون وزني
وانا الماجنت اخون الجار وزني
هسه ثنينهن رهمن عليه
(نسبها):
________________
سلالتكم بنسب يوسف نسبها
الدنيا بغير نظراتك نسبها
الوادم ميه بالميه نسبها
بس نسبه جمالك سبع ميه
(شفانه):
________________
عسل ريجك يمحبوبي شفانه
تعاشكنه ولا واحد شفانه
تذكر يوم من طبكن شفانه
سكرنه وللارض طحنه سويه
(وناقش):
________________
غرامك بالگلب حافر وناقش
سرت نيران تحرگني وناقش
أريد أگعد معك أحچي وناقش
وگلك لشوكت تقسي عليه
(ودييه):
________________
ياروحي لليودج حيل ودية
وألة مني جثير الشوك ودية
علي واجب لزوم اكضيه وأدية
الك يلي كثر فضلك علية
(يدلاي):
________________
يضل دلو الكرم بالروح يدلاي
تعرفني دوم بلطيبات يدلاي
تمنيت الوكت كل حين يدلاي
اليمسه الظيم ويجيبه عليه
(برضلي):
________________
يهل تمشي خفيف الجدم برضاي
يريتك خيزران ونبت برضاي
حبيبي عشرتي وياك برضاي
دخيلك لايخربونك عليه.
(بيهه):
________________
العين الماتشوفك شلي بيهه
وعسى ايد اتمسك شل بيهه
الديره مو الك شل بيهه
وعوف المستحه والعالم سويه
(بلا حد):
________________
هجرك ياولف صاير بلا حد
مثل سيف اليكص ركبه بلا حد
كلتلي انتظري انا ارجع بالاحد
اجه الاحد ويمته تعود اليه
(ولا حد):
________________
أحد سجين صبري وجن ولا حد
التفت وماشفت ربعي ولا حد
شكم سبت اليمر بيه والاحد
اجي بس شوفتك تصعب عليه
(وحده):
________________
لاتهم بالعمر خلصان وحده
وانا ضعني سرى بالهوى وحده
حلت جنهه بعيونك غير وحده
وكمت ماتسأل ولاتمر بيه
(ولا طاب):
________________
غيرج ماحلى بعيني ولا طاب
ولا دونج دخل قلبي ولا طاب
ياجرحي وياج لاهود ولا طاب
( دماي):
________________
محبتك تجري ويه روحي ويه دماي
وعليك انشلت اعظامي ويه دماي
انجويت بيد انا ناري ويه دماي
ولكن من يطابكهن سويه
(يردهه):
________________
عليج الروح راحت من يردهه
وكيحه اهمومي صارت من يردهه
خطيه الروح ملت من يردهه
لأن بس الصبر لبس العليهه
( بسمره):
________________
بسمار دكني الوكت وبكل كتر بسمره
وماضكت حلوه ابد ياوسفتي بس مره
راواني شكله الفرح بعمره أظن بس مره
وخلاني فاقد عقل مثل الذي شاربي
انا الجنت كالزهر مايصحي أبد شاري
ياحيف انا الذي يرهب سبع شاربي
ومن دون كل الخلك ضحكت عليه مره
( تمرنه):
________________
حلاوة طيب من ياكل من تمرنه
نحب نسمع كلامك من تمرنه
تميل البصره كلهه من تمرنه
و ألك شط العرب ياخذ تحيه
(ماتكلبه):
____________
شعجب دفترعشكنه ماتكلبه
وليش أنته اليكلبك ماتكلبه
ترى كلبي بغيابك مات كلبه
كلب كلبي توفه وعم عليه
(مالفاني):
_____________
بهجرك راح عكلي مالفاني
وجثير اشعار لجلك مالفاني
رحت آركض بهيمه مالفاني
ادور اعليك يل رحت من اديه
(وحكلاه):
______________
أعذره الكلب من يزهك وحكلاه
حكله دومكم فوكه وحكلاه
أنه أدري لوطحت يمكم وحك لاإله
الاالله وتكطعون بيه
(ورده):
_______________
تغيب الروح بغيابك ورده
كتاب جفاك من عندي ورده
روحي بفرقتك يذبل ورده
ماي انته وترد الروح بيه
(صفرين):
_______________
مومعدن ذهب معدنك صفرين
وهذني رسوم وجهي عليك صفرين
جنت واحد وانه مو صفر صفرين
عد يمناك حطني تصير ميه
(ولمساك):
________________
وحق رمضان وصيامه ولمساك
ابد ما ملن صباحك ولمساك
يسويهة البخت خايب ولمساك
احس الجنة صارت بين ادية
(شدج):
________________
يدهري شبيك تركص ركص شدج
عله روحي بيوم صحتي نكطع شدج
صرت منخل من الطعنات شدج
وأغربل بس خناجرتدري بيه
(حوله):
________________
جرحك مابره ولادار حوله
بدليلي ومن بديت الشرك حوله
الوكت ينظر عليه بعين حوله
سلب روحي وطلع مشتبه بيه
(طبعن):
________________
اصد وزعل ودير العين طبعن
بسبب لجمات لك بلكلب طبعن
حلو وتنحب لكن بيك طبعين
تشك وتغار من روحي علية
(ورم شاك):
________________
بعدكم تارك بكلبي ورم شاك
علاجي بنظرة عيونك ورمشك
احبنك وحب امشي ورمشاك
وصلتك بعد خل نمشي سويه
(والرد):
________________
دوم انشد عليك الراح والرد
الوفة منك نبع ولطيب ورد
ردت منك جواب لهاي والرد
اعز الناس مايسأل عليه
(منرخصتك):
________________
رخى كلبي علمودك منرخصتك
وسومن بيك غالي منرخصتك
دست فوكي دكلي منرخصك
حته براحتك تسحك عليه
( شبكتك):
________________
انا الصياد صادتني شبكتك
ودخيل اللة شكثر حلوة شبكتك
ادك عليك مشغولة شبكتك
اظن مغلق جهازك بس علية
(تراها):
________________
اوليفي الجان تحت امري تراها
محنتي وعينه الصلفه تراه
كل هاذا وبعد روحي تراها
تود شماعمل وياها اذيه
(يدمن):
________________
عيون الكلب يوم جفاك يدمن
عفتني وصافحت ياترف يد من
أنا المثلي علي الدمعات يدمن
عسى أنسى هواك شعمل بيه
(وسيله):
________________
غصب أنزل دمع عيني وسيله
لان مالي على اوصالك وسيله
تهاك أخذالكلب بيدك وسيله
يخبرك بلجره منك عليه
(نغمهة):
________________
عيني من الزغردمعي نغمهة
وروحي مابعد يطرب نغمهة
الدنيا خلاف عشرتكم نغمهة
مثل موتةانتمشةعلى الوطية
(وريدك):
________________
لحد الموت أحبنك وريدك
وعسه دمي دخل يسمروريدك
حياتي وموتي يمدلل وريدك
ارد احيا وترد الموت اليه
(وجنتك):
________________
وجنتك احبك واقبل بنارك وجنتك
وسودني رمش عينك وجنتك
عرش بلغيس بنهودك وجنتك
اظل وياك مامل منيه
(خطك):
________________
على سنيني الدهر بدموع خطك
واگص الرجل كون تعبر خطك
شوآنه اتصل مشغول خطك
أثاري أثنينه نخابر سويه
(بردان):
________________
سجاجين الوكت بحشاي بردان
حزني وصرت بالصيف بردان
صرت مجبور اشد اردان بردان
ولا امد للشماته اجفوف ايديه
(ورده):
________________
تغيب الروح بغيابك ورده
كتاب جفاك من عندي ورده
روحي بفرقتك يذبل ورده
ماي انته وترد الروح بيه
(وجنتك):
________________
العقل تكين تك انشل وجنتك
بسبب مالمست اشفافي وجنتك
جنات الخلك كلهة وجنتك
ماتغفر ذنب هجرك الية
________________
اموت بطاري حبك واصطلب بيك
وانه الكظيت عمري وسط لبك
الف لبيك اصيحن وسط لبيك
ولالبيك انته ترد عليه
(شفانه ):
________________
مرضه بحبك وحبك شفانه
وتسامرنه ولاواحد شفانه
تذكر يوم من طبكن شفانه
احس ارض وسمه انطبكن سويه


________________
أغارآ من يمر طرواك وانهار
صرت اشمت بدون احساس وانهار
الدهر للناس مالي اشطوط وانهار
وانا كلاص وجفوه من بين اديه
(يدلاي ):
________________
يضل دلو الكرم بالروح يدلاي
تعرفني دوم بلطيبات يدلاي
تمنيت الوكت كل حين يدلاي
اليمسه الظيم ويجيبه عليه
(من يبينه):
________________
نبي ونجبر خواطر من يبينه
و سر الي بقلبي من يبينه
أذا مره انتخينه من يبينه
نهز العاليه بعلو الثريه
(بهاماي):
________________.
لأن دكات شماتي بهاماي
وشل لاتظن عيني بها ماي
اذا علذل بقى يبصم بهامي
أكطعه اذا كان يرضالي برديه
(من رسنهه):
________________
انا روحي الليالي من رسنهه
الفيله انت تعرفه من رسنهه
سيوفي ما غمدته من رسنهه
اركاب اعداي مبردها وأديه
(من علاها):
________________
العليه غير اهلهه من علاها
يروح يخسه ألكلك من علاها
بعزم الله نخلتي من علاها
يراموها بحجر وظل صخيه
(علني):
________________
اعلل بلوصل روحي علني
سوالفكم بدلالي علني
ليالي الكنت صاجرهن علني
وغدت عجلمه مخالمهم عليه
(ولاخاف):
________________
اناالواضح والمبين ولاخاف
وانا الما نشفت اجدامي ولاخف
وانا الما نقص وزني ولاخاف
أختفيت وخفت وخف وزن العليه.
(ياملاك):
________________
ياقلبي شكثريحمل بعد ياملاك
تعده والعقل بالصبر يملاك
ابن أدم لوملك قارون يملاك
وبلا أخلاق ماينشهم بيهه
(انا وانا):
________________
عليك الليل كله انا وانا
ومعاك العتب هسه انا وانا
تهدد من نفاها أنا و انا
وينك موطبك دهر عليه
(جاري):
________________
اتصالي وياك بألنقال جاري
ودمع العين عل الوجنات جاري
اتمنى تجي وتصير جاري
واطفرعلسطح كل صباح وكل مسيه.
(وانتهزني):
________________
أنا بكاروك حبك وانت هزني
صرت فرصه بحياتك وانتهزني.
أنا شجرة محبتك وانت هزني
وخلي الورد يتناثر عليه.
(ظلماي):
________________
بسك يادهر وياي ظلماي
واخبرك مابعد بالعين ظل ماي
وعلي دنياي دوم اصبحت ظلماي
لان وشل دمعهه بين اديه.
(وسر بيه):
________________
افــرح لو شفت وجهـك وسر بيه
وحبك بالكَلب ثابــــــــــت وسر بيه
شما طال الدرب امشي واسر بيه
واجيب الروح لعيونكـ هديــــــــــــه
(شفتهمنه):
________________
اشفنه من عمرنه شفتهمنه
وهمنا كبال عينك شفته همنه
ذبحنا وفوك ذبحه شوفت همنه
يكلهم بالذبح تعبولي اديه
(علمني):
________________
حي الله النوايب علمني
صديقي من عدوي علمني
بعدك ما صرت انت اعله مني
نكرت الزاد والخوه سويه
(ونته راوي):
________________
اراوي جروح كلبي ونته راوي
وقصه صبحة سالفتي ونته راوي
عثك الناس حشف ونته راوي
بريمك طاح من خدك لديه
(كلفاني):
________________
العشك يهديب عمري كلفاني
وحبنه بغير حبكم كله فاني
سهمك من رميته كل لفاني
شك صدري وجزاني ورد عليه
( سني):
________________
أنا لحبيت من زغر سني
ويضحك للمحب كل وكت سني
أنا لشيعي وحبيب لكلب سني
دكلي شلون كعدتنة سوية
(وانته حله):
________________
تروح الروح وصلك وانته حله
بجفاك اعضاي نحلت وانته حله
المشاكل علي كثرت وانته حله
شكثر ياهل الوكت أحمل أذيه
(وردهه):
________________
تغيب الروح بغيابك وردهه
وكتاب جفاك من عندك وردهه
روحي بفركتك يذبل ورده
ماي انته وترد الروح بيه
(ثرمني):
________________
ثرم والله الليالي ثرمني
اذب صوجي على غيري ثاره مني
ظل ياهو يجي وياخذ ثاره مني
اصبحت للجاي والرايح فديه
(بدينك):
________________
حلو وممتاز ومعدل بدينك
يلوك الذهب لتلبسه بدينك
يهل مطلوب ماتوفي بدينك
وصل حدهن بعد شلك عليه .
(وردن):
________________
خدودك گبل وكت الورد وردن
عطاشة ومن زلال العين وردن
يريدوني ابتعد ونســاك وردن
بشفتي اگطع ورودك مو بديه
(ماصحتلي):
________________
ردت فرحه بحياتي ماصحتلي
مغيمه وضيم تمطر ماصحتلي
اشوفك وكت خيرك ماصحتلي
عجب بالضيج بس تركض عليه
(بايات):
________________
شلون تخون وانتا حلفت بايات
سرسيحه طلعت مو درج بايات
تريد تروح مو بس باي بايات
واليرجع بعد نعلة علة ابية
(وشباك):
________________
طفر على البيت مدري شخذ وشباك
ومدري من عمرنة شضال وشباك
الناس تنام حضن بحضن وشباك
وانا بطرك اللحاف إيصل علية
(ياجد):
________________
طلع ريم الحباري ألصبح ياجد
وله مشعل بنص الكلب ياجد
صرخ جاسم بعالي الصوت ياجد
تعال وشوف اخوي شعمل بيه
(عرس):
________________
عرس دهري وي هذولي الناس عرس
وزين الزلم ينحطون علراس
كالولي اخوك اليوم عرس
عفت جدامي كمت امشي علديه
(ولا هل):
________________
غاب الكمر من شافك ولا هل
ولغيرك مانزل دمعي ولاهل
مالي دار من بعدك ولا اهل
عزيز ويصعب فراكك علية
(وانتحربي):
________________
كلبي انت ملكتة ....وانتحربي
عليل وطبة عندك ....وانتحربي
كلاص السم اشربة...وانتحربي
ولاغيرك يمس اطراف ادية
(شمرتك ):
________________
ماني نادم من شمرتك
مو حيال اعرفك من شمرتك
تك من حرمله ومن شمر تك
تريد شلون امنك عليه
(من الهم):
________________
من الهم عسى كلبي شكثر يحمل من الهم
وبيادر صارن همومي من الهم
تعال اكعد واسولفلك من الهم
واحجيلك عل الجرى والصار بيه
(شرجي):
________________
من هيج عيشه بعد ياصاحبي شرجي
ومنين ادير الوجه صاحوا علي شرجي
حر ورطوبه صفت وجماله هم شرجي
وفوك كل هذا يخي كهرباءتنا طفت
وعيوني من العرك حسيت بيها طفت
لمن صحيت ونمت وحلمت بيك وطفت
كلت يامن يلم وياي شملي
اتكلي اغرف ولك شغرف ولك شملي
هزيت حيلي وصحت يا دنيه بس شملي
بالحلم مافكيت لاحكني هم شرجي
( منساك):
________________
منهوالكدرك يازين منساك
يبوثغر لبلون الورد منساك
انا بحد المنايا وكلت منساك
بنهرجاسم وذكرك عصف بيه
(وعنك ):
________________
منو الجابك الشوفي وعنك
معقولة الهوى هزك وعنك
ترى الناس الحجو عني وعنك
تغار تريد مانكعد سوية
(علينة):
________________
نبيع النفس للينشد علينة
صبح ثوب الحزن لايك علينة
وحك عباس وحمزة وعلينة
نحب طاريك يبو أطباع الوفية
(ينزار ):
________________
واجب كل حبيب بليل ينزار
واشمة ومايظل بالقلب ينزار
حبيبي بعد ماريد زيج الصدر ينزار
واريدك دلع من تجبل عليه.
(علمني ):
________________
حي الله النوايب علمني
صديقي من عدوي علمني
بعدك ما صرت انت اعله مني
نكرت الزاد والخوه سويه
( تراكم ):
________________
كثيرالهم على قلبي تراكم
وقسيتووياي يحبابي تراكم
تودالعين كل لحظةتراكم
ولوبالطيف مرتكم علية
( لعلماك ):
________________
مهله انطيني واصبرلي لعلماك
خاف تكول مايدري لعلماك
انه الساريه الواكف لعلماك
من اطيح تطيح خركه عالوطيه
(ولما ):
________________
صرت منخل لاجل ربعي ولما٠
وطبعهم ماي ما يلم ولما٠
شلتهم طاحوا كبالي ولما٠
طحت ركضوا خذو ثوبي العليه
(وملي):
________________
بعد كفي الصبر روحي وملي
بعد ماظل دمع ينصب وملي
الشدايد تظهر لضدي وملي
النفاها تبين الضدي اليه
(منجلي):
________________
اجلب حديد الزمن مبرد وانه
منجلي٠٠٠
بس جيت الموت ما منهه ابد
منجلي ٠٠٠
يكولون ليل الحزن لابد وان
منجلي٠٠٠
وتطلع علينه شمس لمن وكتهه
يحن٠٠٠٠
وجف الهجر حنته للحنه يرجع
يحن٠٠٠٠
يفلان تدري شوكت كلبك علي
يحن٠٠٠٠
لمن على السنبلة يعطف كلب
منجلي٠٠٠٠٠٠
(منشفاك):
________________
يفز فزة طفل روحي منشفاك٠
اشفه وتصحه كل روحي منشفاك٠٠
حبي قرب شفافي من شفاك٠
اعتبرني كلاص واطبكهه عليه
( ودارة):
________________
هواكم أثر بعقلي ودارة
ومنو مثلي ألك وفة ودارة
سمعت بقيس عاف أهلة ودارة
وعليكم ماحمل مثلي اذيه "
(سنتين):
________________
سل سيفه الدهر بحشاي سنتين
ياحسافة بغيرك خلصن سنتين
اخبرك من رصيدي بقه سنتين
اذا عندك رصيد اتصل بيه
( مر علينه):
________________
ياصاحبي طال هجرك مر علينه
وحتى الزاد بعدك مر علينه
اذا بعدك تحبنه مر علينه
بذكراك كل صباح وكل مسية
( بعدنه):
________________
اشبدينه والزمن عنكم بعدنه
اذا انتم نسيتو احنه بعدنه
(بعدني):
________________
ألف وسفه الدهر عنك بعدني
أحبك واشتهي وصلك بعدني
تراني على العهد باقي بعدني
وانت تراك النظر والحيل بيه

أحبك ياجميل الوجه والطول
لاتبعد علي بالهجر والطول
مو بالعرض حبك نبت بالطول
حبك مزق ثيابي العليا
( ظليت):
________________
مثل ظل النخل فوكاي ظليت
وعن دربك تراه أبد مايوم ظليت
بعدك بس رسم علكاع ظليت
( تنشد):
________________
بكل لحظه عليك الروح تنشد
اناشيد المحبه عليك تنشد
لون روحي بحبال الوكت تنشد
يظل ذكرك صباح وكل مسيه
واثر جفك الهسه بجف أديه




1_أمفارك وأليالي سنين (مرن)
وعلي صاير لذيذ ألزاد( مرن)
طفر كلبي على ألنقال (مرن)
لئن حسيت أنت أدك عليه
2_ألهجر ساحن بروحي (مرعدله)
مره ألروح عندي (مره عدله)
مره أحسب جروحي (مره أعدله)
أحسبت عديت نفس جروحي بيه
3_حبك جرا بنص احشاي دوره
عزيز وألك بالشريان دوره
اخذ مني الكلب ياخالي دوره
اذا غيرك لكيت اعتب عليه
4_من الخال
منخل صار دلالي من الخال
الشهد ما صرت أميزنه من الخال
ثلثين الولد كالوا من الخال
ردت منهم ثلث ماصح بديه
5_من مثلي صبر عظيم ماهم
وجثيره أصحاب وين أصبحوا ماهم
شما يثكل عليه المرض ماهم
أهم بفراككم يصعب عليه
6_غاب الكمر من شافك ولاهل
والغيرك مانزل دمعي ولاهل
مالي دار انه بغداد ولاهل
عزيز ويصعب افراكك عليه
7_علي دارت الدنيه رحاها
جفتني اوماضكت ساعه رحاها
/جثيراعزاز اهي الصفكت رحاها
/اهملت دمعات من تيزاب هيه
8_عجب مكتوب منك مايلينه
بعدنه بديار اهلنه مايلينه
عطشنه وردنه ميكم ماي لينه
يبردنارنه المنكم سريه
9_شجاها الروح عافت من وصلها
. اظل ارسل واخابر من وصلها.
تظل النفس طيبه من أصلها.
أنا ممنون من ترسل اليه
10_أحبك حب فلاينوصف وصفه
وكلبي عليك مثل الذهب وصفه
مريض أنه ونته ألي وصفه
عيونك والشفايف صيدلية
11_أخبرك دوم عن الحال ماحال
شبت والشيب وكته بعد ماحال
روض الما أشوفك بيه ماحل
ربيع ايصيرمن تجبل عليه
12_الف وسفه الدهرياناس خوان0
يمرمرني ومن عذابه عضاي خوان0
جنا اثنين يم الاهل خوان0
تفاركنا وسرت نيران بيه
13_حمل دهري يمحسن بي تهلنه
ولاعمري التعده بي تهنه
غده موحش يخويه بيت اهلنه
لمن جارالزمان اوخان بيه
14_هله يلبيك عزي اوبيك ياهاي
اوهله بلماترده الزلم ياهاي
حرت شفديك مدري ابهاي ياهاي
البيابي اثنين اوديهن هديه
15_وي وحش الفله اتخاويت بالهام
ألم صبري انعجن وانداف
من دهري اقبلت ساطور بالهام
ولا شوف النذل يكبر عليه
16_وحك الله الخالق الأكوان وحده
ابدليلي سارظعن الحزن وحده
أهن جسمين لاكن روح وحده
اوكلب واحد يغذيهن سويه
17_صبيت
الك ساس بعشرتي اوياك صبيت
وجنني الهوى وبالعشك صبيت
انجان انته عليه اموع صبيت
بجيت اعيون من فركاك اليه
18_ إعله روحي إشبيها تنشد مرشبيها
العشك مر بيها يسعر مرشبيها
أنه التانيته مامر مرشبيها
وكمت حسبالي هو إشصار بيه
19_علل فركاك تكتل من تصلي
شيظر جدمك حبيبي من تصلي
الك هالروح تدري من تصلي
عسى الله ايديرهن اذنوبك عليه
20_الغيرك مايكول الكلب مرحب
_من بعيد اشوفك صحت مرحب
_مثل طبرت علي من طبر مرحب
_طبر روحي هواك وعم عليه
21_تغـيب الروح بغيابك وردهـــــا
كتـاب جفاك من عندك وردهـــــا
روحـي بفرگتك يذبل وردهـــــا
مـاي أنت وترد الروح بيـــــه
22_على سيوفك مشيت الدرب عناي
وردت منك تشيل الحزن عناي
أذا طبع البواجي صار عناي
أجاني الناي ضل يبجي عليه
23_وحق ألي تعبدة الناس وحدة
حبك سلب مني الروح وحدة
هذني اثنين وانتة اختار وحدة
ترحل لوتضل محبوب الية
24_أشبج وصرخ إعله الروح شبجي
وبجي ومايجيني البجي شبجي
أذب شبجي أويلتف علي شبجي
أصيد إهواي بس صيداتي بيه
25_صيامك مايفيدك دوم وصلاك
بسبب لنك عليا اكطعت وصلاك
ابجهنم كون ربي الزمك وصلاك
او يجازيك ابكثر مكطعت بيه
26_لافاتحلي باب الحب ولاصاك
إلاصت وكتي لايصها ولاصاك
مثلك ماشفت باشط ولاصاك
ولامثلي شفت واحد خطيه
27_بهجرك راح عكلي مالفاني
وجثير اشعار لجلك مالفاني
رحت آركض بهيمه مالفاني
ادور اعليك يل رحت من اديه
28_سهر الليل لجلك _مايعيني
وغلط يفهمني كلمن_مايعيني
انه اطيك عيني و_مايعيني
:واشربك مايهن بثنين اديه
29_دموع العين سلسلها وكتها
صدوده رضرض اعظامي وكتها
دواصل ياحلو هذا وكتها
يكفي من الهجر مامر عليه
30_عشرتك صدك روحي ماتملهه
وحياتي ايام صعبه ماتمله
أريد أنصب لروحي مأتم ألهه
وشوفك هم تجي وتبجي عليه
31_غرامك حيل أذاني ولمني
واذا ناسيك عاتبني ولمني
طشرني هواك اگرب ولمني
ومثل ما حرت بيك احتار بيه
32_ يصاحب طال هجرك مرعلينه
وحته الزاد بعدك مرعلينه
اذا بعدك تحبنه مرعلينه
نشوفك كل صباح وكل مسيه؟
33_ألمصايب دكن أبابي وجتلي
خمسه دارو عليه وجتلي
لون ميتاب من ربعي وجتلي
أعارك حته ليسلم عليه
34_صرت نحات حتى انحت خيالك
وخذني وياك ابرالك خيالك
الك صفنه اعتنت مرهخيالك
خمس لحظات حطني ودوخ بيه