انة وياك تيهت المشيتين...

انه اوياك تيهت المشيتين
طحت مابين جا ذبهه اوصدكهه
ادور ابين شفه اوناب مسموم
لكمه الناس حطتني ابحلكهه
عليمن لان كتلك انه اهواك
عليه اتحزمت كلهه ابتفكهه
ادير العين وتلفت بالوجوه
كلهه اتريد تاخذ مني حكهه

عفتني بين صفنات الحياطين
ودك بيبان محد كبلي دكهه
كبل شجرة صبر عمري انكضه اوياك
يهزهه المستحه اويوكع وركهه
ابكثر ماضيعتني اتمنه الاكيك
ازيحا مستحاي اوطك اطكهه
اطلبك ثار من اصباي لليوم

وحك ايامنه الجانت وحكهه

اذا مافرك ابدولاب الهموم
وضيعك من غربه اومن شركهه
نخله اباب بيتك جانت الروح


ياهو الفات مد ايده العثكهه
جنت لوحة خيال اتبجي العيون

اصبعك وكف مسمار اوشركهه
شكثر دك الزمن وياي دكات

بس دكتك ماواحد يدكهه
سجه اليل وانه اوياك جدمين

اليريد الصبح حط جدمه اوسحكهه
اذوب اويل اليا لي ابكاس وعتاب

اشربهه الصبر وشرب خلكهه
لابد يوم بيه تتلا كه الوجو ه

وفك بيبانه الجفك طبكهه
وكلك هذه يوسف يل جنت ذيب

من ياصفحه قمصانه تشكهه

للامانة للشاعر حسين الشميساوي