ابيع جاي..وجكاير....ولا اصير شاعر

قررت الغي القصائد واشتغل بياع جاي

سهله اشوف الشغله كلش بيها غاز وبيها ماي
والي احتاجه خبرتي وعون جيراني ا وياي
لان ادري الغاز عدنا ومايي من جيراني جاي
ولو كطع هالماي عني اخسر بشغلتي هواي
واذا ما رهمت الشغله راح اغير شغلتي
واكتفي ابيع الجكاير وبيها اختم لوعتي
وما اظن احتاج نار نار تلهب ديرتي
اوكف بباب الدوائر وهناك اضرب ضربتي
وتبده ارباحي اتكاثر والتجاره لعبتي
بس اذا تفجير صار وين الكاها الجكاير
اجساد بلتفجير تلهب والسلم منعدها طاير
اشلون اشيلنها ياربي ويمها راس الطفل صاير
وليش ابن الفكر يوكع والسلم ابن الاكابر
لان بلخضراء كاعد وهذا بالايجار حاير
والله حيره شلون ربي اوين راح الكالي شغله
والتعب كصص حلمنا وعمل بينا اشلون عمله
الجوع هدني ومارحمني ومن الحجي ما بقت جمله
بس بقت الله كريم والعيون من الدموع اهواي همله
ياصديقي جيب ايدك حطها بيدي وخل نثور ابقوى حمله
خل نصيح الله واكبر وكافي يااهل السياسه مو تعبنا
جنا نحلم ناكل بكرصة خبز وما سلم حتى حلمنا
جنا نطرب لوسمعنا الناي يعزف وانذبح بينا طربنا
جنه بالافراح نركص وهسه بس بفراحنه يحلى لطمنا
لان فرحتنا اذا تفجير صار واحنه من عنده سلمنا
ودجله جفت والترسها من الثكالى اغلى دموع
دمعة الباست ابنها وتنتظر لوليدها اليوم الرجوع
ساعه والتفجير صار وكامت ادك عالضلوع
اليوم ميلادك ييمه انه وختك حضرينالك شموع
عمت عيني انت ما متغدي يمه وادري بسرعه تجوع
جنت ناوي الغي القصائد بس شفت هذي القصه
طفل حالم جان يحلم يستلم دراجه ابورقة الحصه
حلمه راح وطارت ايده والشظى تارس الكصه
جنت ناوي الغي القصايد وما حظيت بهيج فرصه

عزيزي الشاعر المبدع زهير العقابي
هل تتذكرني
بحثت عنك فوجدتك
انت كما انت رائع دائما
فيك روح العراقي الشريف
ولازال فيك نفس الحماس
لك مني كل احترام[/MP3][/MP3][/MP3][/MP3][/MP3][/MP3][/MP3][/MP3][/MP3][/MP3][/MP3][/MP3]

[الشاعر جلال البطاط]

جنت ناوي الغي القصائد بس شفت هذي القصه
طفل حالم جان يحلم يستلم دراجه ابورقة الحصه
حلمه راح وطارت ايده والشظى تارس الكصه
جنت ناوي الغي القصايد وما حظيت بهيج فرصه

تسلملي ياوردة على هذه المشاعر الجياشة والاحساس الوطني الجميل...وفعلآ هوة هذا حال كول العراقيين...تحياتي الك يامبدع وبانتظار جديدك انشاء الله.

[ابو سجاد العتابي]

زهير العقابي ايها الزاهر الحالم لك حبي واحترامي
ايها المبدع لا حرمني الله من ابداعك اتمنى لك الموفقية
وتقبل مروري وتحياتي اخوك ابو سجاد العتابي
امريكا

[الحــر]

استاذي الفاضل وشاعرنا الرائع والغيور والواقعي
ماذا اختار وماذا اترك من قصيدتك هذه التي حملت حكاية القلب الموجوع والثورة العاصفة لفضح الضلم المستور
يسعدني ويشرفني ان امر بين ثنايا كتاباتك وابداعاتك عزيزي
واتمنى ان يدوم صرح قلمك ويراعك كما هو دائماً
ثائر على الظلم مناصر للحق والفقراء
مع خالص التقدير والاحترام

السيد جلال البطاط
سرني وجودك على متصفحي
لاحرمت من اطلالتك
وفقك الله
دعائي لك بالخير والسلامه

الاخ الغالي والعزيز
ابو سجاد العتابي
عندما اجد اسمك موجود على متصفحي اشعر ان الفرح يغمرني وتنتابني السعاده
دمت ودامت طلتك
انتظر منك التواصل والابداع
وفقك الله
دعائي لك بالخير والسلامه

اليك ايها الحر انحني احتراما وتقديرا
نعم الاخ ونعم الناصر فما اخطأت عندما اخترت اسم الحر....
والله عندما اكتب لك أو ارد على مرورك الجميل اشعر
بأني اخاطب الضمير
الضمير الحي
واحس انه من الواجب الا اخطأ خصوصا وانا اقف في حضرتكم
الحب كل الحب لك ايها العراقي الطيب
دعائي لك بالخير والسلامه

هناء
اخترت لنفسي ان ارد على مروركي
وان اضع ردي عليكي الاخير
لانكي اتهمتيني
فانا ما نسيتكي حتى اتذكرك
الحديث يطول..
ولي في مكان اخر كلام معكي
والله انا اكتب ويدي ترتجف فرحا
لا اعرف ماذا اكتب..حلم...أم...حقيقه

قررت مره انساك بس ما نسيتك
لحظه الردت انساك اتذكريتك

تمنياتي لكي بالتوفيق
ودعائي لكي بالخير والسلامه