اني انساك ؟؟
شلوون انساك
واني بكل دقيقه وياك
واغمض عيوني حتى الكاك !
ويمر طيفي يبجي الليل
واسلي رويحتي بطرواك
جنه هنا ..
وحجينه شكد
وبحرت بمركب احلامي
وكعدنه هناك ..
والملم كل جرح بيه
وياكلبي عمر تاناك
جا وينك ..؟
ددك الباب
ذابت روحي بلياك
واجيك محمل احلامي
بسفينة شوك
تعبهه البحر وشراع
الزمن مشكوك
والملم كلشي واتعناك
شوكي .. وجرحي الماطاب
وعيوني التصب تيزاب
وجلمه معلكه اعله الباب
جاوينك ..؟؟ولارديت
وعمر مجروح
ما ادري الوكت جذاب !؟
وترد تكول ناسيني !
وصفنتك هملت عيني
ومدري شلووون اني انساك ؟
ومدري شحالي بلياك ؟
اذا نبض الكلب الكاك
هم اكدر بعد انساك ؟
خلني اعله الدرب ناطر
بس لا كسرت الخاطر
خلصت العمر صابر
واموتن لو نويت انساك
ما انسااااااااك ..
صدكني فلا انساااك
لاتزعل اظل اهواك
ما انساك
تحيات ماجد الشاعر
رد مع اقتباس